Yohane 4:38 - Sura Malelaha

³⁸ Kutudukau lao mepare i bonde au bara ikamu au motudai. Tauna ntanina au mantuda, ikamu au mampepare wua pobagonda.”

Yohane 4:38 Mawu Ofanana

Matiu 4:23

Yesu molumao i humalele tampo Galilea hai mepaturo i ope-ope sou penombaa. Ia mopahawe Ngkora Marasa kana i poparentana Pue Ala, hai mopakaoha worihe ope-ope tauna au mahai hai au bara masilolonga watanda.

Yohane 1:7

Kamaina Yohane, ia mopahawe kana i pewangka iti i ope-ope tauna bona mohadihe posabina hai mepoinalai i pewangka iti.

Yohane 17:18

Nodo Iko, NutuduNa mai i dunia. Nodo wori ihira, Kutuduhe lao i tauna ntanina i dunia.

Yohane 4:37

Mewali, tou mpuu lolita au manguli: ‘Hadua au mantuda, tohaduana au mampepare.’

Yohane 4:39

Bosahe to Samaria i boea iti mepoinalai i Yesu, lawi mohadihe lolitana towawine iti inona au manguli, “Napololitami hinangka babehiangku.”

Suro 2:41

Bosa tauna au mampoinalai lolitana Peturu, pane laomohe rariu. I alo iti, kabosana tauna au mepoinalai i Yesu, tetambaimi ba aramohe pae talu sabuna.

Suro 4:32

Ope-ope tauna au mepoinalai i Yesu, mohintuwu hai hampepekirihe. Bara ara hadua au manguli, “Ide, iko ampuna,” agaiana ope-ope au ara irihira rapoanu sambela.

Suro 4:4

Agaiana tauna au mampehadingi paturonda Peturu hai Yohane i Souna Pue Ala, bosamohe au mepoinalai i Yesu, alana tetambai kabosanda tauna au mepoinalai duuna handahe lima sabuna tobalilo.

Suro 5:14

Hai katetetambaiamohe tauna au mepoinalai i Pue Yesu, maroa tobalilo maroa towawine.

Suro 6:7

Hangko inditi, tebambari ntepuumi Ngkorana Pue Ala, mewali kabosa-bosaamohe tauna i Yerusale au meula i Yesu, hai bosa worihe tadulako mpenomba au mepoinalai i Yesu.

2 Korintu 10:15

Ikami barangkai nodo tauna itihe. Barangkai mampololita wua i raoa hangko i pobagongki au nakiraiangkai Pue Ala. Agaiana kiharunga halalu, ane tetambai kamarohona pepoinalaimi, ina tetambai wori kamahilena pobagongki i olomi,