Yohane 4:34 - Sura Malelaha

³⁴ Ido hai nauliangaahe Yesu, “PaandeKu, iami mampeulaiNa peundeana Pue Ala au motuduNa, hai moparooNa bago au NaweiNa.

Yohane 4:34 Mawu Ofanana

Matiu 26:39

Roo indo, lao karao haodi, molingkudumi motumpa mekakae, Nauli, “UmaNgku, ane peisa, Nupakaraoa wongkoia kapari au ina morumpaNa ide. Agaiana bara peundeaKu au Kuula; peundeaMuri, Uma.”

Matiu 3:15

Agaiana nahanai Yesu, Nauli, “NuriumoNa. Hintotomi au nubabehi ide bona tapabukei ope-ope peundeana Pue Ala.” Hangko indo, nariu mpuumi.

Matiu 9:19

Laomi Yesu meula i tauna iti, hai topeguruNa meula worihe.

Lukasi 15:10

Nodo wori kamatananda malaekana Pue Ala mampokatana hadua tomadosa au menoso hangko i dosana.”

Lukasi 19:10

Ido hai Iko, Ana Manusia, maiNa i dunia ide. Lawi tunggaiaKu bona mohaokiNa tauna au karao hangko i Pue Ala hai mohoremahe hangko i huku dosanda.”

Lukasi 2:49

Nahanaihe, “Moapari hai nihaokiNa? Bara pae niisa, Iko hangangaa araNa i lalu souna UmaNgku?”

Yohane 17:4

Uma, Kupatongawami peawaNa tuwoMu i dunia ide i poparooNgku bago au NuweiNa.

Yohane 19:28

Naisa Yesu hinangka tunggaiaNa mai i dunia hopomi pane mololitami, Nauli, “MangkadouNa” bona tepabukei apa au teukimi i lalu Sura Malelaha.

Yohane 19:30

Napeminami Yesu, pane Nauli, “Hopomi!” Roo indo, motumpa, hai opemi inaoNa.

Yohane 4:32

Agaiana nauli Yesu, “Iriko ara paande au bara niisa.”

Yohane 5:30

Yesu mopaliliu lolitaNa, Nauli, “Iko, baraNa peisa mobabehi apa-apa moula peundeaKu haduduaNgku. Kubotusi hinangkana moula apa au nahawaaNa UmaNgku. PobotusiNgku manoto, lawi baraNa moula peundeaKu haduduaNgku, agaiana moula peaNa peundeana Pue Ala au motuduNa.

Yohane 5:36

Agaiana Iko, ara hampaka au mopakanoto kahemaNgku, hai iti meliu hangko i posabina Yohane. Ane niita apa au Kubabehi, itimi au mopakanoto kahemaNgku. Apa au Kupobago ide-ide, iami au nahawaaNa UmaNgku bona Kupobago hawe roo. Bago iti mewali tanda au mopakanoto kaIkona au natudu UmaNgku mai i dunia ide.

Yohane 6:33

Paande au naweikau Pue Ala, iami, Ia au mendaulu mai hangko i suruga hai au mowei katuwo i manusia i dunia.”

Yohane 6:38

Lawi kamaiNgku hangko i suruga, baraNa mobabehi peundeaKu haduduaNgku. Agaiana maiNa mobabehi peundeana Pue Ala au motuduNa.

Yohane 8:29

Hai Ia au motuduNa, mamporangai liliuNa. BaraNa Napogiangaa haduduaNgku, lawi Kubabehi liliu apa au mopamatana laluNa.”

Suro 20:35

I paka-pakana, kupopaitaamokau noumbake hangangaa mobago bona motulungike ranganta au bara rabuku. Nikatuinao liliu lolitana Pue Yesu au manguli, ‘Morasimi tauna au mokira pane tauna au modoko.’ ”

Ibarani 12:2

Hangangaa mokamatake Yesu au mobungkahimi rara pepoinalainta hai au mopahandai pepoinalainta. Lawi Ia mantaha liliu i lalu kapari duuna mate i kau mombehape. KapateNa iti mepakaea ntepuu. Agaiana nauri nodo, bara Napailalu, Nahuhu pea wataNa rapaku i kau mombehape, lawi Napeinao molambi katana i bokona. Ide-ide mohudami ntanda i koanana kadera kadatuana Pue Ala i suruga.