Yohane 4:23 - Sura Malelaha

²³ Agaiana ina hawe tempona, hai katouana hawemi tempo iti, i lalu peninina Inao Malelaha ina moisa mpuuhe hema Pue Ala i katou-touana, hai ina menombahe Iria, moula rara mpenomba au naunde Pue Ala Umanta.

Yohane 4:23 Mawu Ofanana

Yohane 1:17

Au tadoko hangko i Musa hangkoia iami aturana Pue Ala. Agaiana au tadoko hangko i Yesu Kerisitu melumbu hangko indo iami kabulana laluna Pue Ala hai paturoNa au manoto.

Yohane 12:23

Nauliangaahe Yesu, “Hawemi tempona, Ana Manusia rapomahile.

Yohane 16:2

Ina rawurakau hangko i sou penombaa. Hai bara iti pea, agaiana hambela tempo ane tauna mopapatekau, ina rauli, itimi peundeana Pue Ala.

Yohane 16:32

Nikatuinao! Ina hawe tempona hai katouana hawemi tempo iti, ina nipalehina melangkakau hadua-hadua lao i soumi. Katouana bara haduduaNgku, lawi naporangaiNa UmaNgku.

Yohane 4:21

Nauli Yesu, “Ina, nupoinalai lolitaNgku ide: ina hawe tempona, bara i Yerusale tauna menomba i Pue Ala, hai bara wori i bulu ide.

Yohane 5:25

Tou mpuu lolitaNgku ide: ina hawe tempona hai katouana tempo iti hawemi, tomate ina mohadi wotuna Anana Pue Ala, hai ihira au mohadi wotuNgku ina molambi katuwo au wou.

Yohane 5:28

Inee nipotingkara lolitaNgku ide, lawi hambela tempo ope-ope tauna au mate ina mohadi wotuNgku, hai ina mearohe hangko i talumbanda. Tauna au mobabehi roa ina rapopearohe bona molambihe katuwo maroa. Agaiana tauna au mobabehi dake ina rapopearohe bona rahuku.”

Roma 1:9

Pue Ala au kupobagoa hangko i lalungku i lalu pobambaringku Ngkora Marasa kana i AnaNa, Iami au mewali sabingku, noumba kakukabelaimi bela-belangku mekakae.

Roma 8:15

Hangkoia, nodoke hawi, lawi langake i pehukuna Pue Ala. Agaiana ide-ide, anti polambitami Inao Malelaha, barapoke langa. Lawi Inao Malelaha itimi au mampopewalike anana Pue Ala. Hai anti pokalena Inao Malelaha, baimoke mokakio Pue Ala, “Uma!”

Roma 8:26

Nodo wori, Inao Malelaha motulungike i lalu kamaledenta. Lawi bara mpuu taisa apa au hangangaa tauli i lalu pekakaenta. Agaiana Inao Malelaha mamporangaike mohowara perapinta i Pue Ala au melumbu hangko i pebukuanta mohowara.

Galatia 4:6

Mewali, anti kanapoananta Pue Ala, Ia motudumi Inaona AnaNa maida i lalunta. Anti pobagona Inao Malelaha iti i lalunta, ido hai peisake mokakio Pue Ala, “Uma!”

Epesu 6:18

Hai i lalu pombealami moewa Datu Tokadake, mekakaekau hai merapi tulungi liliukau i Pue Ala. I hinangkana, mekakaekau moula peninina Inao Malelaha. Ineekau oha-oha mekakae hai hangangaa nipekakaea liliuhe ope-ope tauna au mepoinalai i Pue Yesu.

Pilipi 3:3

Katouana ikitami au manoto i peitana Pue Ala lawi menombake Iria moula peninina Inaona haduduaNa, hai matana mpuu lalunta anti pohintuwuta hai Kerisitu Yesu. Barake moharunga ada au raita pea i raoa bona mewalike manoto i peitana Pue Ala.

1 Peturu 2:9

Agaiana ikamu, halalu, napileimokau Pue Ala au mampopewalikau nodo tadulako mpenomba au mampopolumao bago mpenomba i Datunta. Napatanikau mewali kiraNa hai taunaNa au malelaha. Pue Ala mopileikau hai mokakiokau hangko i kamakaindi mesua i lalu kamabaaNa au merae ntepuu bona mopahawekau bagoNa au maroa i ope-ope tauna.