Yohane 4:22 - Sura Malelaha

²² Ikamu to Samaria, barato niisa kahemana au nipenombai. Ikami to Yahudi, kiisa kahemana au kipenombai, lawi ara dandina Pue Ala au manguli katehorema ina hawe hangko i to Yahudi.

Yohane 4:22 Mawu Ofanana

Lukasi 24:47

Ope-ope tauna hangangaa menoso hangko i dosanda, bona naampungihe Pue Ala, anti kanapahurunda Datu Topehompo. Bambari iti hangangaa rapahawe i humalele dunia, mepongka i Yerusale.

Suro 17:23

Kuisa iti, lawi i polumaongku i lalu wanuami inona, kuita penombaami hai kuita wori hambua watu penombaa au ara ukina node: ‘Penombaa i Pue au Bara Taisa.’ Mewali, pue au nipenombai au bara niisa, itimi au ina kupahaweakau.

Suro 17:30

Hangkoia, menombake i anitu. Nauri nodo, barake nahuku Pue Ala. Ia motuko pea mataNa i kantulita iti. Agaiana ide-ide, Natuduhe ope-ope tauna i humalele dunia bona menosohe hangko i dosanda.

Suro 3:26

Ido hai Pue Ala mopatuwo hule Yesu AnaNa. Nguru-nguruna Yesu Natudu mai irikita to Yahudi bona Nawatike hai Naninike mampenosoi hinangkana babehianta au kadake.”

Roma 11:18

Agaiana halalu, ineekau mampemahile. Ineekau mokakabosai to Yahudi au rapandiri nodo daa au rahapeki iti. Nikatuinao: ikamu molambi pewati hangko i uaka kau au rakadipura, barari kau iti au molambi pewati hangko irikamu!

Ibarani 7:14

Lempona, Amputa Pue Yesu, bara rapoanaka hangko i pemuleana Lewi, agaiana hangko i pemuleanari Yehuda, Moleri i lalu atura tadulako mpenomba au nauki Musa, bara ara au teuki kana i tinana Yehuda.