Yohane 4:12 - Sura Malelaha

¹² Tibubu ide sosorangki hangko i Yako, toiorungki. Ia moenu owai hangko inde, nodo worihe anana hai binatana. Ba Nuuli meliu kamahilena tuwoMu hangko i Yako pane peisaKo moweina owai au meliu kamaroana hangko i owai tibubu ide?”

Yohane 4:12 Mawu Ofanana

Matiu 12:42

Nodo wori i alo pebotusi i kahopoa dunia, datu towawine hangko ntanda i Lau ina rapatuwo hule hihimbela hai ikamu au tuwo ide-ide, hai ia ina motudungiakau salami. Lawi datu towawine iti hawe hangko i tampona au karao mampeinao mampehadingi lolitana Datu Salomo au matopa. Ide-ide arami i olomi au meliu kamahilena tuwoNa hangko i Salomo, agaiana bara nipoinalai lolitaNa.”

Yohane 4:13

Nauli Yesu, “Ope-ope tauna au moenu owai hangko i tibubu ide, mangkadou hulehe.

Yohane 4:20

Ikami to Samaria menomba i bulu ide, i bulu penombaanda toiorungki. Agaiana pangulimi to Yahudi, i Yerusale pea penombaa au tou.”

Yohane 4:5

I tanga pualo, hawemi i hambua wanua au ara i Samaria au rahanga Sikar, bara karao hangko i tampo au nahumba Yusupu hangkoia hangko i Yako umana. I raoa boea iti, ara hambua tibubu au rahanga tibubuna Yako. Mohudami Yesu i wiwi tibubu iti, lawi mawowemi molumao.

Yohane 8:53

Ba Nuuli meliu kamahilena tuwoMu hangko i toiorunta Burahima au mahaemi mate? Ba meliu kamahilena tuwoMu hangko i ope-ope nabi au matemohe? Ane nodo lolitaMu, tuwoMu Nupahimbelari hai hema?”

Ibarani 3:3

Agaiana Yesu hintoto molambi pebila au meliu hangko i Musa, lawi tauna au moaro sou hangangaa meliu karabilana hangko i sou au naaro.