Yohane 4:10 - Sura Malelaha

¹⁰ Nauli Yesu, “Ane kenuisa kamahilena pewatina Pue Ala hai hemaNa au merapi owai ide, kemerapi woriko owai Iriko, hai Kuweiko owai au mepatuwo.”

Yohane 4:10 Mawu Ofanana

Lukasi 11:13

Kehapirikau kadake, niisa mani mowei apa au maroa i anami. Apa mani Umami au ara i suruga! Batena ina mowei Inao Malelaha i tauna au merapi Iria.”

Yohane 16:3

Ope-ope iti ina rababehi irikamu, lawi barahe moisa UmaNgku, hai Iko wori, baraNa raisa.

Yohane 17:3

Au Kutunggai hai ‘katuwo maroa au bara mokahopoa’ iami: Moisahe kaOiona Pue Ala au tou, au bara ara karoduaNa, hai moisa worihe Yesu Kerisitu au Nutudu mai i dunia.

Yohane 3:16

Anti kamahilena ahina Pue Ala i ope-ope tauna i dunia, ido hai Nakirami AnaNa au HaduduaNa bona hema pea au mepoinalai Iria, bara rahuku, agaiana molambi katuwo maroa au bara mokahopoa.

Yohane 4:14

Agaiana hema au moenu owai au Kuwei, barapi mangkadou hawe i hae-haena. Lawi owai au Kuwei iti, ina moili liliu i laluna; lempona, ina molambi katuwo maroa au bara mokahopoa.”

Yohane 6:35

Nauli Yesu, “Iko idemi paande au mepatuwo. Hema au mai Iriko hai mepoinalai Iriko, barapohe ina marimi hai barapohe ina mangkadou hawe i hae-haena.

Yohane 6:51

Ikomi paande au mendaulu mai hangko i suruga, paande au mepatuwo! Tauna au moande paande ide molambihe katuwo au bara mokahopoa. Paande au mepatuwo ide, lempona wataNgku au Kukira bona manusia molambi katuwo.”

Suro 9:11

Nauli Pue, “Laomoko ide-ide i souna Yudasi i rara au rahanga Rara Manoto. Nuhaoki i sou iti hadua tauna hangko i wanua Tarsus au rahanga Saulu. Tauna iti ide-ide tangana mekakae,

Roma 8:32

Ia bara mampokabohi AnaNa au haduduaNa, bona mate mopahuruke, noumba kadanta ina Nawei paka-pakana?

1 Korintu 1:30

Pue Ala pea au mobungkahiake rara pane mohintuwuke hai Kerisitu Yesu. Anti pohintuwuta hai Kerisitu Yesu, taisami kamapandena Pue Ala: Napamanotomoke Kerisitu i peitana Pue Ala, au mopamalelahamoke, hai au mohompomi dosanta.

2 Korintu 9:15

Tauli ngkaia kamaroana i Pue Ala, lawi mahile mpuu kabulana laluNa irikita, melumbu hangko i apa au peisa tapololita!

Epesu 2:8

Nahoremamoke Pue Ala hangko i huku dosanta moula kabulaNa laluNa, anti pepoinalainta i Yesu Kerisitu. Barake Nahorema anti babehianta au maroa, batena pea anti kabulana laluNa irikita. Ido hai bara ara hadua au peisa manguli: “Anti kamaroana babehiangku, ido hai nahoremana Pue Ala hangko i huku dosangku.”

Ibarani 6:4

Lawi tauna au raoaka mousuli hangko i pepoinalainda, barapohe peisa ranini hule bona menosohe hangko i dosanda. Lawi hangkoia, maidahe i lalu kamabaa, matana lalunda modoko pewatina Pue Ala, hai lalunda nakuasai Inao Malelaha;

1 Yohane 5:20

Taisa worimi: Anana Pue Ala hawemi i dunia, hai Ia au moweike kanoto lalu bona moisake Pue Ala au tou. Mohintuwumoke hai Pue Ala au tou anti pohintuwuta hai Yesu Kerisitu AnaNa. Iami Pue Ala au tou. Hangko Iria molambimoke katuwo maroa au bara mokahopoa.

Pampetudungia 21:6

Hangko indo, Nauliangaa mbulina, “Hopomi! Ikomi, Alpa hai Omega, Au pepongkana hai Au Kahopoana. Tauna au mangkadou, Kuweihe owai hangko i ulu owai au mopaara katuwo maroa au bara mokahopoa. Owai iti Kuwei mberohe, bara raholo.

Pampetudungia 22:17

Inao Malelaha hai towawine au rataunaa Ana Dimba manguli, “MaimoKo!” Hai ope-ope tauna au mohadi lolita ide, hangangaa manguli worihe, “MaimoKo!” Hema au mangkadou, maimokau! Ane niunde, maimokau maenu owai au mopaara katuwo. Hai bara niholo!

Pampetudungia 7:17

lawi Ana Dimba au meangka i hola kadera kadatua mokadipurahe. Naninihe lao i owai au mopaara katuwo. Hai Pue Ala moumpahi hinangka owai mata hangko i matanda.”