Yohane 3:33 - Sura Malelaha

³³ Tauna au mampoinalai lolitaNa, mopangaku katouna Pue Ala.

Yohane 3:33 Mawu Ofanana

Yohane 6:27

Ineekau mobago mohaoki paande au hampalai pea kaopena hai au polo mawai. Agaiana mobagokau mohaoki paande au bara peisa mawai hai au moweikau katuwo maroa au bara mokahopoa. Iko Ana Manusia au ina moweikau paande iti, lawi Ikomi au Napilei Pue Ala hai au Napokatana.”

Yohane 8:26

Ngkaia mani au ina Kusalaiakau. Agaiana Ia au motuduNa, hintoto mpuu rapoinalai, hai apa au Kuhadi hangko Iria, itimi au Kupahawe irikamu i dunia.”

Roma 15:28

Mewali, laomona hampai i Yerusale moanti doi petulungi au tegulumi. Roorai indo, hangko laorina i tampo Spanyol moliuna i boeami.

Roma 4:11

Burahima ratile aminami mepoinalai. Karatilena iti mewali pea tanda kamanotona i peitana Pue Ala. Mewali, tongawami irikita Burahima mewali manoto i peitana Pue Ala anti pepoinalaina nauri barato ratile. Ido hai peisa tauli Burahima rapouma tauna au barahe to Yahudi au mepoinalai i Yesu, lawi kehapirihe bara ratile moula Aturana Musa, batena mewalihe manoto i peitana Pue Ala anti pepoinalainda au himbela hai Burahima.

1 Korintu 9:2

Nauri tauna ntanina bara mopangaku kaikona surona Pue Yesu, agaiana ikamu halalu, hangangaa nipangaku. Lawi ikomi au mobambari Ngkora Marasa hawe i wanuami. Pepoinalaimi i Pue Yesu mopakanotomi kaikona suroNa.

2 Korintu 1:18

Bara nodo halalu! Nodo Pue Ala mopabukei ope-ope dandiNa irikita, nodo wori dandiki irikamu. Bara kiuli, “Io” irikamu ane tunggaiaki: “Bara.”

2 Korintu 1:22

hai Naweike Inao Malelaha au mopakanoto kamewalintami taunaNa. Inao Malelaha iti mewali tanda i lalunta kaina Napabukeina haha dandiNa irikita.

Epesu 1:13

Nodo wori ikamu. I kamohadimi bambari au tou mewalimokau taunana Pue Ala. Mampoinalaimokau Ngkora Marasa iti, ido hai Nahoremamokau Pue Ala hangko i huku dosami. Hai Naweimokau Inao Malelaha au Nadandi hangkoia, au mewali pekatandaina Pue Ala i lalumi au mopatongawa pewalimimi taunaNa.

Epesu 4:30

Nikampai babehiami datikau mopakasusa Inao Malelaha au naweikau Pue Ala. Nikatuinao, Inao Malelaha iami pampekatandaina Pue Ala i lalumi au mopakanoto kaikamuna taunaNa. Anti kaarana Inao Malelaha i lalumi, niisa kaina hawena tempona Pue Ala mokabahakau hangko i dunia au kadake ide.

2 Timotiu 2:19

Nauri nodo, Ngkorana Pue Ala batena maroho peangkana. Ngkorana Pue Ala rapandiri nodo haogu watu au bara ina tedua. I lalu Ngkorana Pue Ala teuki node, “Pue moisa hema au Napilei mewali anaNa,” hai, “Hema-hema au mopangaku kaYesuna Ampunda, hangangaa mokabahahe babehianda au kadake.”

Ibarani 6:17

Nodo wori Pue Ala: i popahaweNa dandiNa i Burahima hai i ope-ope tauna au ina modoko dandi iti, Napeinao mopakaroho lalunda bona raisa kadana tebali tunggaiaNa irihira. Ido hai Napakaroho mbuli dandiNa hai posumpaNa.

1 Yohane 1:10

Ane tauli barake madosa, mampopodongkomoke Pue Ala, hai NgkoraNa bara ara i lalunta.