Yohane 21:18 - Sura Malelaha

¹⁸ Tou mpuu lolitaNgku ide: i tempomu mani mangura, mowewe saduduako pekomu, hai laoko iumba pea peundeamu. Agaiana ane saemoko hangalo, ina mohuhuko taiemu rataka tauna ntanina hai raantiko lao i paidaa au bara nuunde.”

Yohane 21:18 Mawu Ofanana

Lukasi 12:37

Morasihe hawi au mainga-inga hai mampegia ampunda, duuna hawe. Lawi ampunda iti ina mowewe pekona, napopohudahe, hai narorahe.

Yohane 13:36

Simo Peturu mekune i Yesu nauli, “Pue, ina laoKo iumba?” Nahanai Yesu nauli, “I kalaoaNgku, bara maniko peisa lao. I alo au ina mai, hangko peisaNa nuula.”

Yohane 21:17

Hangko inditi, mekune mbulimi Yesu kataluna belana, “Simo, anana Yona, ba nupokaahiNa?” Masusami laluna Peturu, lawi talumi belana Yesu mekune ba nupokaahiNa. Mewali, nauli Peturu, “Pue, Nuisa hinangkana. Nuisa kakupokaahiMu.” Nauli Yesu, “Ane nodo, nukadipurahe dimbaKu.

Yohane 21:19

Hai lolitaNa iti, Yesu mopakanoto noumba Peturu ina rapapate bona hangana Pue Ala rapomahile. Roo indo, nauli mbuli Yesu i Peturu, “Meulamoko Iriko!”

Suro 21:11

Ia mangala pampouna Paulu, napopohilu bitina hai taiena haduduana. Roo indo, Agabus mololita, nauli, “Idemi lolitana Inao Malelaha: ampu pampou ide ina rahaka to Yahudi i Yerusale. Ia ina rahilu node, hai rahuhu i tauna au barahe to Yahudi.”

2 Korintu 5:4

Lawi tanganta mani tuwo i dunia ide, mantodihake lawi mantimi haleanta. Agaiana bara taunde mopalehi watanta ide. Bara taunde mate, agaiana taunde bona watanta ide liliu rapahuru hai wata au bara mokahopoa.