Yohane 20:9 - Sura Malelaha

⁹ Hawe i tempo iti, bara manihe moisa apa au teuki i lalu Sura Malelaha hangkoia au mopakanoto, “Ia hangangaa tuwo hule.”

Yohane 20:9 Mawu Ofanana

Matiu 22:29

Nahanai Yesu, “Sala ntepuu pekirimi, lawi bara niisa ihi Sura Malelaha, bara wori niisa kuasana Pue Ala.

Lukasi 24:26

Idemi au rapahaweakau nabi hangkoia: Datu Topehompo, hangangaa narumpa kapari, hangko molambiri pohudaa au meawa hai au teadai.”

Lukasi 9:45

Agaiana bara raisa topeguruNa apa tunggaiana lolitana Yesu, lawi tewuniangi mani lempona irihira. Bara worihe bai mekune Iria apa lempona lolitaNa.

Yohane 2:22

I katuwona hule Yesu, topeguruNa mokatuinao lolitaNa iti. Roo indo, rapoinalaimi apa au teuki i lalu Sura Malelaha hai apa au nauli Yesu.

Suro 17:3

Paulu mopakanotoahe apa lempona ihi Sura Malelaha, nauli, “Datu Topehompo au nadandi Pue Ala hangkoia, hangangaa mohalea kapari duuna mate, agaiana ia tuwo hule. Yesu au kupololita irikamu ide iami Datu Topehompo.”

Suro 2:24

Ikamu mopapate Yesu, agaiana Pue Ala mopatuwo hule. Pue Ala mokabaha wataNa hangko i kuasa kapate, lawi Ia hangangaa tuwo hule.

1 Korintu 15:4

I kapateNa, ratawumi, hai i alo katalu rapatuwo hulemi, nodo au teuki i lalu Sura Malelaha.