Yohane 20:29 - Sura Malelaha

²⁹ Nauli Yesu i Tomas, “Mepoinalaiko lawi nuitamoNa. Morasihe tauna au mepoinalai Iriko, kehapiri baraNa raita.”

Yohane 20:29 Mawu Ofanana

Matiu 13:16

Napaliliumi Yesu lolitaNa i topeguruNa, Nauli, “Agaiana ikamu, morasi mpuukau, lawi niitami apa au Kubabehi hai nihadimi paturoNgku, hai niisa lempona.

Lukasi 1:45

Anti pepoinalaimu i lolitana Pue, morasi mpuuko, lawi apa au Nauliangaako, batena mewali!”

Yohane 20:28

Nauli Tomas, “Oiomi Ampuku hai Pue Ala au kupenombai!”

Yohane 20:8

Hangko inditi, topeguruNa au hadua, au ioru hawe i talumba inona, mesua worimi. Naitami apa au mewali i lalu talumba iti, pane napoinalai.

Yohane 4:48

Nauli Yesu i tauna iti, “Ikamu au maida i tampo ide, ane kebarakau moita tanda kuasa, barakau ina mepoinalai!”

2 Korintu 5:7

Meulake i Pue anti pepoinalainta, kehapiri bara mani taita.

Ibarani 11:1

Au rauli pepoinalai, lempona apa au taharunga i Pue Ala, taisa batena ina mewali. Kehapiri bara mani taita apa au tapegia, manoto i lalunta ina mewali.

Ibarani 11:27

Anti pepoinalaina, Musa mopalehi tampo Masiri; ia bara langa i karumpuna datunda to Masiri. Musa mantaha i lalu kapari, nodo au moitami Pue Ala, au bara raita.

Ibarani 11:39

Anti pepoinalainda, ope-ope tauna iti napokatanahe Pue Ala. Nauri nodo bara manihe mohumba apa au Nadandiahe.

1 Peturu 1:8

Nauri bara manikau moita Yesu Kerisitu, agaiana, nipokakaiami. Hai ide-ide, bara mani wori niita, agaiana nipoinalaimi. Ido hai matana lalumi, hai kamatanami iti mahile, melumbu hangko i apa au peisa rapololita.