Yohane 20:22 - Sura Malelaha

²² Roo indo, Natawuehe pane Nauli, “Nidokomi Inao Malelaha.

Yohane 20:22 Mawu Ofanana

Yohane 14:16

Ina kuperapi i UmaNgku bona Naweikau hadua Topetulungi au ntanina bona Ia mamporangaikau hawe i hae-haena.

Yohane 15:26

Ina mai Inao Malelaha, lempona Inao au mesuwu hangko i Pue Ala hai au moninikau i paturo au tou. Ia Topetulungi au ina Kutudu mai irikamu au hangko i UmaNgku. Ane mai, Ia ina mosabi kana Iriko.

Yohane 16:7

Agaiana katouana, ina molambikau roa ane paduNa! Lawi ane baraNa padu, bara ina hawe Topetulungi. Agaiana ane paduNa, ina Kutudu Topetulungi iti mai irikamu.

Yohane 20:21

Nauli mbuli Yesu, “Katinda lalu hawe irikamu. Nodo UmaNgku motuduNa, nodo wori Iko motudukau.”

Yohane 20:23

Hema au niampungi dosana, naampungi wori Pue Ala. Hema au bara niampungi dosana, bara wori naampungi Pue Ala.”

Yohane 7:39

(Au natunggai lolitana Yesu iami Inao Malelaha, au ina mendaulu i tauna au mepoinalai Iria. I tempona Yesu mololita nodo, Inao Malelaha bara mani mendaulu i topeulaNa, lawi Yesu bara mani rapopeawa.)

Suro 10:47

“Peita. Tauna ide molambimohe Inao Malelaha nodo au mewali irikita. Mewali peisahe pae tahomboki rariu?”

Suro 19:2

Napekunehe, nauli, “Aramokau molambi Inao Malelaha i kamepoinalaimimi?” Rahanai, “Bara mani. Mogalori kihadi kaarana Inao Malelaha iti bara mani!”

Suro 2:38

Nahanai Peturu, “Hangangaa menosokau hadua-hadua hangko i dosami, hai hangangaa rariukau i lalu hangana Yesu Kerisitu. Ane nodo, Pue Ala ina moampungi dosami, hai Naweikau Inao Malelaha.

Suro 2:4

Roo indo, ope-ope tauna iti nakuasaimohe Inao Malelaha, hai mepongkamohe mololita i lalu ngkaia pakana basa au bara mani raisa, moula apa au napakanotoahe Inao Malelaha.

Suro 4:8

I tempo iti, Peturu nakuasai Inao Malelaha, hai mololitami, nauli, “Uma-uma, tadulakonda tauna bosa hai tadulako agama!

Suro 8:15

Kahawenda Peturu hai Yohane, mampekakaengaamohe to Samaria au mepoinalaimohe i Pue Yesu bona molambihe Inao Malelaha.

Galatia 3:2

Nikatuinao halalu apa au mewali irikamu hangkoia. Modokokau pae Inao Malelaha anti peulami i Aturana Musa? Bara! Agaiana modokokau Inao Malelaha lawi mohadimokau Ngkora Marasa hai mampoinalaimokau Pue Yesu.