Yohane 20:19 - Sura Malelaha

¹⁹ Kaindina i alo Minggu iti, topeguruna Yesu moguluhe i lalu sou hai ragili babana, lawi langahe i tadulakonda to Yahudi. Unga pea ara Yesu meangka i olonda, hai Natabehe, Nauli, “Roa ngkatuwo hawe irikamu.”

Yohane 20:19 Mawu Ofanana

Matiu 10:13

Ane ampu sou iti bula lalunda modokokau, ina nawatihe Pue Ala. Agaiana ane barakau radoko, barahe ina molambi pewati hangko i Pue.

Matiu 18:20

Lawi iumba tauna teruhu anti kaIkona, nauri rodua ba talu peahe, Iko araNa hihimbela hai ihira.”

Markus 16:14

Hangko inditi, Yesu mampatongawa worimi i topeguruNa au hampulo hai hadua au tanganda maande. Nakambaroahe lawi makura pepoinalainda hai matua lalunda. Lawi barahe mampoinalai lolitanda tauna au moitamohe Yesu au tuwo hulemi.

Yohane 14:27

Katinda lalu au hangko Iriko Kuwoliakau. Katinda lalu au hangko Iriko Kuweikau. Au Kuweikau ide, bara nodo au naweikau dunia. Inee karao inaomi, hai ineekau langa.

Yohane 16:22

Nodo wori ikamu: ide-ide masusa lalumi lawi ina paduNa. Agaiana ina Kupohidupaa hulekau. I tempo iti, ina matana hulekau, hai bara ara au peisa moala kamatana iti hangko irikamu.

Yohane 16:33

Ope-ope ide Kuuliangaamokau bona molambikau katinda lalu hangko i pohintuwumi hai Iko. Tangami mani i dunia ide, batemi rapopeahi-ahi. Agaiana nipakaroho lalumi, lawi kuasa tokadake au ara i lalu i dunia ide Kunangimi.”

Yohane 20:21

Nauli mbuli Yesu, “Katinda lalu hawe irikamu. Nodo UmaNgku motuduNa, nodo wori Iko motudukau.”

Yohane 20:26

Liumi haminggu, mogulu mbulimohe topeguruna Yesu i lalu sou iti. I tempo iti, Tomas ara womi indo. Hai ope-ope baba ragilimi. Nauri nodo, unga pea Yesu ara meangka i olonda, hai mololita, Nauli, “Roa ngkatuwo hawe irikamu.”

Yohane 21:1

Roo indo, hambela mbuli Yesu mopatongawa wataNa i topeguruNa, i wiwi Rano Tiberias. Node tuntukana:

Yohane 21:14

Itimi kataluna belana Pue Yesu mopatongawa wataNa i topeguruNa mepongka i katuwoNa hule.

Yohane 7:13

Agaiana bara ara hadua au bai mololita totongawa kana i Yesu, lawi mampokalangahe tadulakonda to Yahudi.

Roma 15:33

Kuharunga Pue Ala au moweike roa ngkatuwo ina mamporangaikau ope-ope. Amin!

1 Korintu 15:5

I katuwoNa hule, mopatongawami wataNa i topeguruNa; nguru-nguruna i Peturu, hai roo indo i topeguruNa au ntanina.

Epesu 2:14

Lawi Kerisitu au mopahintuwuke, to Yahudi hai au bara to Yahudi. Anti kapateNa, Nakabahamoke hangko i atura agama Yahudi hai parentana. Iti Nababehi bona mopatuna posisala au mampopontani to Yahudi hai tauna au barahe to Yahudi. Hangkoia atura agama Yahudi iti mewali nodo wala au mampopogaake. Agaiana ide-ide, ikami to Yahudi hai ikamu au bara to Yahudi, Napahintuwumoke Kerisitu. Napahintuwumoke bona Napopewalike manusia wou au mohintuwu hai Ia. Nodomi rarana Ia mopaara pohintuwu.

Epesu 6:23

Halalungku hampepepoinalai! Kuharunga Pue Ala Umanta hai Pue Yesu Kerisitu ina moweikau roa ngkatuwo. Hai kuharunga wori bona Pue Ala ina motambai liliu ahimi hai pepoinalaimi.

Pilipi 1:2

Ngkaia tabea: kiharunga Pue Ala Umanta hai Pue Yesu Kerisitu mowatikau hai moweikau roa ngkatuwo.

2 Tesalonika 3:16

Batena pea Pue au peisa moweike roa ngkatuwo. Ido hai mekakaengkai Iria bona alo-alona Naweikau katinda lalu i paka-pakana. Pue mamporangaikau ope-ope.

Ibarani 7:2

Roo indo, Burahima mohuhu i Melkisedek, hangkira hampulo hangko i ope-ope anu-anu au narampaki hule hangko i iwalinda. Hanga Melkisedek, lempona: ‘Datu au manoto’. Lawi ia datu i Salem, mewali rahanga wori: “Datu au moanti roa ngkatuwo”, lawi lempona hanga Salem: ‘roa ngkatuwo’.

3 Yohane 1:14

Lawi kuharunga barapi mahae ina mohidupa mbulike bona ara katepakanta mololita sambela.

Pampetudungia 1:4

Sura ide hangko iriko, Yohane, kupakatuahe pitu jumaa au ara i propinsi Asia. Pue Ala mowatikau hai moweikau roa ngkatuwo. Pewati ide nilambi hangko i Pue Ala au ara hangko i nguru-nguruna, ide-ide hai hawe i hae-haena. Pewati ide nilambi wori hangko i Inaona Pue Ala au ara i lindo kadera kadatuaNa hai au mampopolumao pitu pakana bago,