Yohane 20:13 - Sura Malelaha

¹³ Mekunehe malaeka iti i Maria, rauli, “Ina, moapari pane moteriako?” Nauli Maria, “Ampuku raalami hangko inde, hai bara kuisa iumba rawoli.”

Yohane 20:13 Mawu Ofanana

Lukasi 24:17

Tanganda molumao, mekunemi Yesu irihira, Nauli, “Apari au nipololita tangami molumao?” Mengkaroomohe lumao hai tongawa kamasusana lalunda.

Yohane 19:26

Kanaitana Yesu inaNa meangka inditi i holana topeguruNa au Napokakaia, Ia mouliangaa inaNa, “Ina, itimi anamu.”

Yohane 2:4

Nauli Yesu, “Ina, apari tunggaiamu mouliangaaNa nodo? Bara mani hawe tempona Kupopaisaahe kahemaNgku.”

Yohane 20:15

Mekunemi Yesu iria, “Ina, moapari hai moteriako? Hema au nuhaoki?” Nauli laluna Maria: ba topokampai bonde dolou. Ido hai nauliangaa, “Tua, ane Oio au mangala wataNa, Nutudungiana iumba nuwoli bona lao kuala.”

Yohane 20:2

Ido hai melangkami lao i Simo Peturu hai i hadua topeguruna Yesu au napokakaia, nauliangaahe, “Watana Pue raalami hangko i talumbaNa, hai bara kiisa kaiumbana rawoli!”

Suro 21:13

Agaiana nahanairingkai, nauli, “Moapari hai moteriakau? Ineekau mopamalede lalungku! Kehapiri rahiluna ba rapapate mpuuna anti peulangku i Pue Yesu, masilolongamona lao i Yerusale.”