Yohane 2:4 - Sura Malelaha

⁴ Nauli Yesu, “Ina, apari tunggaiamu mouliangaaNa nodo? Bara mani hawe tempona Kupopaisaahe kahemaNgku.”

Yohane 2:4 Mawu Ofanana

Matiu 15:28

Hangko inditi, nauli Yesu, “Mahile mpuu pepoinalaimu! Ina mewali nodo peundeamu.” Tempo iti peami, maoha mpuu anana.

Matiu 8:29

Monganga-ngangahe seta au mampesuangi tauna iti, rauli, “Anana Pue Ala! Moapari hai maiKo? Ineengkai Nuhuku! Bara mani hawe tempona Nupakaparingkai.”

Lukasi 2:49

Nahanaihe, “Moapari hai nihaokiNa? Bara pae niisa, Iko hangangaa araNa i lalu souna UmaNgku?”

Yohane 12:23

Nauliangaahe Yesu, “Hawemi tempona, Ana Manusia rapomahile.

Yohane 13:1

Hangalo hangko damani hawe Alo Posusa Pasa, naisami Yesu kaina hawenami tempoNa mopalehi dunia hai mesule i UmaNa. Ia mampokaahihe ope-ope tauna au meula Iria, hai batena Napokaahihe duuna i kahopoana.

Yohane 2:3

Tanganda mosusa, nakaopeihe anggoro. Mololitami inana Yesu, i Yesu, nauli, “Opemi anggoronda.”

Yohane 20:13

Mekunehe malaeka iti i Maria, rauli, “Ina, moapari pane moteriako?” Nauli Maria, “Ampuku raalami hangko inde, hai bara kuisa iumba rawoli.”

Yohane 20:15

Mekunemi Yesu iria, “Ina, moapari hai moteriako? Hema au nuhaoki?” Nauli laluna Maria: ba topokampai bonde dolou. Ido hai nauliangaa, “Tua, ane Oio au mangala wataNa, Nutudungiana iumba nuwoli bona lao kuala.”

Yohane 7:30

I tempo iti, rapeinaomi mohaka Yesu, agaiana bara ara au bai mokingki, lawi bara mani hawe tempoNa.

Yohane 7:6

Mewali nahanaihe Yesu, Nauli, “Bara mani hawe tempona mopatongawaNa wataNgku. Ane ikamu, impira pea niunde lao i Yerusale peisa,

Yohane 7:8

Laokau ikamu i posusa iti. Iko, bara maniNa lao, lawi bara mani hawe tempoKu.”

Yohane 8:20

Ope-ope iti napahawe Yesu tangana mepaguru i tabangaa Souna Pue Ala i hola peti pambolia doi popenomba. Agaiana bara mani rahaka, lawi bara mani hawe tempoNa.

2 Korintu 5:16

Mewali, ido hai barapongkai mampeita tauna moula apa au raita i raoa. Hangkoia kiuli, Kerisitu manusia biasa pea, agaiana ide-ide barapi nodo pekiringki.