Yohane 2:18 - Sura Malelaha

¹⁸ Hangko inditi, tadulakonda to Yahudi mouliangaa Yesu, “Hema au moweiKo kuasa mobabehi iti? Ane ara mpuu kuasaMu, Nupopaitaangkai hambua tanda kuasa!”

Yohane 2:18 Mawu Ofanana

Matiu 21:23

Roo indo, Yesu mesua i lalu Souna Pue Ala hai mepaturo. Tangana mepaguru, hawemohe kapala-kapala tadulako mpenomba hai totosaenda to Yahudi mekune Iria, rauli, “Nuuliangaangkai, hangko iumba kuasaMu mobabehi ope-ope iti i Souna Pue Ala? Hema au moweiKo kuasa iti?”

Markus 8:11

Bahangkia toParisi hawe i Yesu mekune-kunehe Iria bona mohaokihe kanawoaNa, rauliangaa, “Babehiangkai tanda kuasa bona tongawa irikami kahangko i Pue AlaMu.”

Lukasi 11:29

Tanganda tauna bosa motoleliki Yesu, Napaliliumi lolitaNa irihira, Nauli, “Kadake ntepuukau au merapi bona Kupopaitaakau tanda kuasa. Agaiana bara ara tanda kuasa au ina rapopaitaakau. Au ina rapopaitaakau, batena pea tanda nodo au mewali i nabi Yunu hangkoia.

Yohane 1:19

Idemi posabina Yohane au mopahawe kahemana Yesu. Hambela tempo, tadulakonda to Yahudi i Yerusale motudumohe bahangkia tadulako mpenomba hai to Lewi lao i Yohane. Kahawenda i Yohane, rauliangaa, “Tunggaiaki maingkai mekune irio ba hemako. Ba oiomi Datu Topehompo?”

Yohane 6:30

Rauli mbuli tauna bosa, “Ane nodo, tanda apa au Nupopaitaangkai bona kipoinalai kahangko i Pue Alana mpuuKo? Apa au ina Nubabehi?

Suro 4:7

Teruhu hahamohe, motudumohe tauna lao moala Peturu hai Yohane raanti i lindonda. Kahawenda, mekunemohe tadulako iti i Peturu hai Yohane, rauli, “Noumba pane nibuku mopakaoha topalu iti? Hangko iumba mai rohomi, hai hema au moweikau kuasa mobabehi iti?”

Suro 5:28

“Kikontomokau hangkoia, ineekau mepaturo mokabelai hangana Yesu. Peita au nibabehi! I humalele wanua Yerusale bosa tauna mampehadingi paturomi iti! Ba nipehangu ikami au masala i karapapatena tauna iti?”