Yohane 2:16 - Sura Malelaha

¹⁶ Roo indo, mouliangaahe topobalu-balu tadasi manggebodo, “Nianti ope-ope iti lao i raoa! Souna UmaNgku inee nipopewali sou pobalu-balua!”

Yohane 2:16 Mawu Ofanana

Matiu 21:12

Hangko inditi, mesuami Yesu i tabangaa Souna Pue Ala. Inditi, Nawurahe ope-ope tauna au mobalu-balu. Nadungkami mejanda topointolohi doi, hai Nadungka wori pohudaanda topobalu-balu tadasi manggebodo.

Matiu 21:13

Nauliangaahe, “I lalu Sura Malelaha, Pue Ala manguli node: ‘SouNgku ina rauli sou pekakaea.’ Agaiana ikamu, nipopewaliri sou pogulua topanangka!”

Matiu 22:5

Agaiana ope-ope tauna au rakakio barahe mohaile pekakio iti. Hadua-hadua, laohe i bagonda. Arahe au lao i bondenda, arahe au lao i bagonda ntanina.

Markus 11:17

Roo indo, Napaturohe, Nauli, “Bara pae niisa apa au teuki i lalu Sura Malelaha? Pue Ala manguli node: ‘SouNgku ina mewali sou pekakaea au rapake tauna hangko i humalele dunia.’ ‘Agaiana ikamu, nipopewaliri sou pogulua topebagiu!’ ”

Lukasi 2:49

Nahanaihe, “Moapari hai nihaokiNa? Bara pae niisa, Iko hangangaa araNa i lalu souna UmaNgku?”

Yohane 10:29

UmaNgku, au moweimoNa dimbaKuhe, kuasaNa meliu hangko i hinangkana. Hai bara ara hadua au peisa mamperampaihe hangko i taiena UmaNgku.

Yohane 2:15

Kanaitana Yesu ope-ope iti, Ia mobabehimi pekandangi hangko i koloro hai mowurahe ope-ope topobalu-balu hihimbela japinda hai dimbanda hangko i tabangaa Souna Pue Ala. Mejanda topointolohi doi Nadungka-dungkami alana mahawu doinda.

Yohane 20:17

Nauli Yesu i Maria, “IneeNa nukingki, lawi bara maniNa mengkaore lao i UmaNgku. Laomoko i halaluNgkuhe, nuuliangaahe ina laomona i UmaNgku hai Umamu wori, Pue AlaNgku hai Pue Ala au nipenombai.”

Yohane 5:17

Agaiana Nauliangaahe Yesu, “UmaNgku mobago duuna ide-ide, hai Iko wori mobago liliuNa.”

Yohane 8:49

Nauli Yesu, “BaraNa napesuangi seta. Iko mobilaNa UmaNgku. Agaiana ikamu, baraNa nibila.

1 Timotiu 6:5

hai pombembehehe. Pekirinda tauna iti barapi maroa, barahe moisa paturo au tou. Rauli, peisahe molambi rasi hangko i poagamanda.

2 Peturu 2:3

Guru au mepakanawo iti mohaoki peahe doi, mewali ina rapahaweakau lolita au rababehi haduduanda bona molambihe rasi hangko irikamu. Agaiana ara pehuku au mahaemi napasilolongaahe Pue Ala, hai karahukunda iti ina holiga mewali.