Yohane 19:6 - Sura Malelaha

⁶ I temponda kapala-kapala tadulako mpenomba hai topekampai moita Yesu, mongangamohe, rauli, “Papate! Papate i kau mombehape!” Nauli Pilatu, “Ane nipeinao mopaku i kau mombehape, nialamide! Ikamu au hangangaa mopaku i kau mombehape, lawi bara kulambi salaNa.”

Yohane 19:6 Mawu Ofanana

Matiu 26:58

Peturu meula ngkarao pea, duuna hawe i tabangaa souna Tadulako Mpenomba Mahile. Ia mesua i tabangaa, mohuda hihimbela hai topekampai, lawi mampeinao moita ba apa au ina mewali i Yesu.

Matiu 27:22

Napekune mbuli Pilatu, “Ane nodo, kupanoumbami Yesu au rahanga Kerisitu?” Rahanai, “Papate i kau mombehape!”

Matiu 27:24

Kahopoana naita Pilatu barapi ara bunduna mololita irihira, lawi mogewo-gewohe. Ido hai moalami owai napemandoi i lindo tauna bosa hai nauli, “Memandona! Bona niita bara kupesuaki popapatemi tauna ide! Ikamu rai au mohuru.”

Lukasi 23:4

Hangko indo, nauli Pilatu i kapala-kapala tadulako mpenomba hai i tauna bosa, “Tauna ide bara kulambi salana au ina kuhukua.”

Yohane 18:3

Mewali laomi Yudasi i bonde iti hihimbela hai hamporangaa surodadonda to Roma hai topokampai Souna Pue Ala au rapohawaahe kapala-kapala tadulako mpenomba hai toParisi lao mohaka Yesu. Moantihe parewa pombeala, lantera hai hulu.

Yohane 18:31

Nauli Pilatu, “Nialami hai nianti hule! Nibotusimi kara-karaNa moula atura agamami!” Rauli to Yahudi iti, “Ikami, barangkai rapaliu mohuku mate tauna.”

Yohane 18:38

Nahanai Pilatu, “Apari lempona lolitaMu au manguli ‘apa au tou’?” Roo indo, lao mbulimi Pilatu i raoa mouliangaahe tadulakonda to Yahudi, “Nauri hampaka salaNa, bara ara kulambi.

Yohane 19:15

Monganga-ngangamohe, rauli, “Papate! Papate! Papate i kau mombehape!” Nauli Pilatu, “Nipopepaku pae i kau mombehape ide datumi?” Rahanai kapala-kapala tadulako mpenomba, “Kaisar pea datungki.”

Yohane 19:4

Hangko inditi, mesuwu mbulimi Pilatu lao i raoa, mouliangaahe tadulakonda to Yahudi, “Peita, kuanti mai irikamu bona niisa kadana kulambi salaNa nauri hampaka.”

Suro 2:23

Hintoto hai tunggaia hai peundeana Pue Ala lawi naisa amimi, rahuhumi Yesu irikamu bona nipapate. Hai nihuhuahe i tauna au kadake rapapate i kau mombehape.

Suro 7:52

Toiorumi mampopeahi-ahimohe nabi-nabi hangkoia; ihira mopapatehe tuduana Pue Ala au mobambari kaina hawena hadua Tuduana Pue Ala au Manoto. TuduaNa au Manoto iti ide-ide nisapuaka hai nipapatemi.