Yohane 19:40 - Sura Malelaha

⁴⁰ Tauna au rodua iti mangalamohe watana Yesu, rabungkuhi bana bula au roomi rapambolii lana mawongi moula ada popatawu to Yahudi.

Yohane 19:40 Mawu Ofanana

Matiu 26:12

Towawine iti mobumbuhiNa hai lana mawongi bona mopasilolonga ami wataNgku i karatawuNgku.

Markus 14:8

Towawine iti mobabehimi apa au peisa nababehi. NabumbuhiaNa lana mawongi bona mopasilolonga amimi wataNgku i karatawuNgku.

Lukasi 24:12

Peturu liliu meangka hai melangka lao i talumba. Kahawena, motumpami meloga i lalu, naita bana popebungkuhina pearai au ara inditi. Roo indo, mesulemi, hai mekune-kune i laluna kana i apa au mewali iti.

Yohane 11:44

Mesuwu mpuumi tauna au mate iti hangko i lalu talumbana. Taiena hai bitina tebungkuhi mani hai bana popebungkuhina, hai waana tetolombungi mani moula ada to Yahudi. Nauliangaahe Yesu, “Bungkahi pebungkuhina bona maroa polumaona.”

Yohane 12:7

Nauli Yesu, “Pogiangaamide! Apa au nababehi ide, mopasilolonga amimi wataNgku i karatawuNgku.

Suro 5:6

Hangko inditi, bahangkia anantomoane mobungkuhi watana Ananias moula adanda to Yahudi, pane rakowa lao ratawu.