Yohane 19:35 - Sura Malelaha

³⁵ Tauna au moita apa au mewali iti, iami au mopahaweakau apa au naita bona mepoinalai worikau. Lolitana ide tou, hai naisa apa au napololita ide tou.

Yohane 19:35 Mawu Ofanana

Yohane 11:15

MatanaNa lawi baraNa ara i kapatena. Lawi apa au mewali, ina moanti roa ngkatuwo irikamu bona mepoinalaikau Iriko. Laomokekau mampeita Lasaru.”

Yohane 11:42

Kuisa, batena Nupehadingi liliu lolitaNgku. Agaiana lolitaNgku ide Kuuli masisimbuku bona rahadi tauna bosa inde bona rapoinalai kaOiona mpuumi au motuduNa.”

Yohane 14:29

Ide Kuuliangaa amimokau hangko damani mewali bona ane mewali, ina nipoinalai.

Yohane 15:27

Hai ikamu wori hangangaa mewali sabiNgku, lawi ikamumi au hihimbela hai Iko hangko i pepongkana bagoNgku i dunia ide.”

Yohane 19:26

Kanaitana Yesu inaNa meangka inditi i holana topeguruNa au Napokakaia, Ia mouliangaa inaNa, “Ina, itimi anamu.”

Yohane 20:31

Agaiana apa au kuuki ide, kuuki bona nipoinalai kaYesunami Datu Topehompo, Anana Pue Ala, hai bona molambikau katuwo maroa au bara mokahopoa hangko i pepoinalaimi Iria.

Yohane 21:24

TopeguruNa Yesu itimi au mopahawe hinangka au raita mata, hai au mouki ope-ope iti i lalu sura ide. Hai kiisa posabina iti tou.

Suro 10:39

Ikami ide tuduaNa au moita mata ope-ope au Nababehi i tamponda to Yahudi tepesua i wanua Yerusale. Kahopoana, Yesu iti rapaku i kau mombehape hawe mate.

Roma 15:4

Ope-ope au teuki hangkoia i lalu Sura Malelaha, teuki bona mewali paturo irikita. Hangko i paturo au tahumba i lalu Sura Malelaha iti, tabuku mantaha i lalu kapari, hai tehuweki lalunta bona maroho peharunganta i Pue Ala.

1 Peturu 5:1

Ara wori pamperapiku irikamu au mewalikau penatua. Kuukiakau ide lawi iko wori hadua penatua, hai moita matamona kapari au morumpa Kerisitu hangkoia. Hai ane hawe Kerisitu i lalu peawana tuwoNa au ina rapatongawa i ope-ope tauna, ina molambi worina kirangku i lalu peawana tuwoNa iti.

1 Yohane 5:13

Sura ide kuukiakau au mepoinalai i Anana Pue Ala bona moisa mpuukau kamolambimimi katuwo maroa au bara mokahopoa.

3 Yohane 1:12

Demetrius, ratoia ope-ope tauna. Ia hintoto mpuu ratoia, lawi babehiana moula paturo au tou. Kitoia wori, hai nuisa katouna lolitangki.