Yohane 19:18 - Sura Malelaha

¹⁸ Inditimi Yesu rapaku i kau mombehape. Ara wori rodua tauna ntanina au rapaku i kau mombehape hihimbela hai Ia, hadua ntanda i kabeoNa, hadua ntanda i koanaNa.

Yohane 19:18 Mawu Ofanana

Matiu 27:44

Nodo wori topanangka au rapaku i kau hihimbela hai Ia, monganga-ngangahe mopapakoi Yesu.

Yohane 18:32

(Ide mewali bona tepabukei apa au nauli Yesu kana i kapateNa.)

Yohane 19:32

Mewali laomohe surodado motepo bitinda torapaku i kau mombehape iti. Ioru ratepo bitina tauna au rodua au rapaku hihimbela hai Yesu.

Suro 2:23

Hintoto hai tunggaia hai peundeana Pue Ala lawi naisa amimi, rahuhumi Yesu irikamu bona nipapate. Hai nihuhuahe i tauna au kadake rapapate i kau mombehape.

Galatia 3:13

Ikita ope-ope hintoto napaharara Pue Ala, lawi moliungike Aturana Musa. Agaiana nauri nodo, Nakabahamoke Kerisitu hangko i pepaharara iti. Teuki i lalu Sura Malelaha hangkoia node: “Ane ara tauna au rapapate i kau mombehape, manoto tauna iti harara i Pue Ala.” Mewali, kapatena Kerisitu i kau mombehape, mopahuruke molambi pepaharara hangko i Pue Ala au katouana hangangaa morumpake.

Ibarani 12:2

Hangangaa mokamatake Yesu au mobungkahimi rara pepoinalainta hai au mopahandai pepoinalainta. Lawi Ia mantaha liliu i lalu kapari duuna mate i kau mombehape. KapateNa iti mepakaea ntepuu. Agaiana nauri nodo, bara Napailalu, Nahuhu pea wataNa rapaku i kau mombehape, lawi Napeinao molambi katana i bokona. Ide-ide mohudami ntanda i koanana kadera kadatuana Pue Ala i suruga.