Yohane 19:11 - Sura Malelaha

¹¹ Nauli Yesu, “Ane barako nawei Pue Ala kuasa iti, bara ara kuasamu Iriko. Mewali, hema au mohuhuNa irio, meliu kamahilena dosana hangko irio.”

Yohane 19:11 Mawu Ofanana

Matiu 26:65

Kanahadina Tadulako Mpenomba Mahile apa au nauli Yesu, ia mohepami baduna anti karumpuna, hai nauli, “Tauna ide mopahimbela kuasaNa hai Pue Ala! Barapi mobundu ara sabi! Nihadi mpuumi lolitaNa mopakoi tuwona Pue Ala.

Matiu 27:2

Roo indo, Yesu rahilu taieNa hai raanti lao i lindona Gubernur Pilatu.

Matiu 6:13

Inee wongkamia Nupogiangaa nakelo tokadake agaiana Nukabaha wongkamia hangko i kuasa au kadake. [Lawi Oiomi ampu Kadatua hai Kuasa hai Peawa, hawe i hae-haena. Amin.]

Markus 14:44

Nauliangaa amimohe Yudasi tanda bona raisa kaumbana Yesu, nauli, “Hema au kuangki, iami Yesu. Nihaka hai niantimi, nikampai mpuu.”

Lukasi 22:53

Alo-alona araNa hihimbela hai ikamu i Souna Pue Ala mepaturo. Moapa hai baraNa nihaka i tempo iti? Agaiana kaindi rai hangko baikau mohakaNa. Idemi tempomi, lawi ide wori tempona Datu Tokadake au makuasa i hinangkana au makaindi!”

Yohane 18:13

hai nguru-nguruna raanti lao i Hanas, pengantina Kayapas. Kayapas iami Tadulako Mpenomba Mahile i pare iti.

Yohane 18:3

Mewali laomi Yudasi i bonde iti hihimbela hai hamporangaa surodadonda to Roma hai topokampai Souna Pue Ala au rapohawaahe kapala-kapala tadulako mpenomba hai toParisi lao mohaka Yesu. Moantihe parewa pombeala, lantera hai hulu.

Yohane 19:10

Nauli mbuli Pilatu, “BaraKo pae mau mohanaina? Bara pae Nuisa, iko makuasana mokabahaKo ba mohukuKo i kau mombehape!”

Yohane 3:27

Nauli Yohane, “Ikita manusia bara peisa mobabehi apa-apa ane barake nawei Pue Ala kuasa.

Yohane 7:30

I tempo iti, rapeinaomi mohaka Yesu, agaiana bara ara au bai mokingki, lawi bara mani hawe tempoNa.

Yohane 9:41

Nauli Yesu, “Ane kebilokau, kebarakau madosa. Agaiana, lawi niuli meita mpuukau, batena madosakau.”

Suro 2:23

Hintoto hai tunggaia hai peundeana Pue Ala lawi naisa amimi, rahuhumi Yesu irikamu bona nipapate. Hai nihuhuahe i tauna au kadake rapapate i kau mombehape.

Suro 3:13

Pue Ala au rapenombai toiorunta hangkoia, au rapenombai Burahima, Isaki hai Yako, Pue Ala itimi au mopakahile TuduaNa, iami Yesu. Halalu-halalu, Yesu iti au nihuhu i topoparenta, hai au nisapuakami i lindona Pilatu i tempona ina nakabaha.

Suro 4:28

Rabotusimi bona mopapatehe Yesu. Agaiana au rababehi iti mopabukei apa au Nupakanoto amimi alana ope-ope mewali moula kuasaMu hai peundeaMu.

Roma 11:36

Lawi ope-ope au ara, napopewali hai nakuasai Pue Ala bona Ia pea au rapomahile. Tetoiami Pue Ala hawe i hae-haena! Amin!

Roma 13:1

Ope-ope tauna hangangaa mengkoru i topoparenta. Lawi bara ara topoparenta au bara molambi kuasa hangko i Pue Ala. Hai topoparenta au ara napakanotomi Pue Ala.

Yakobu 1:17

Ope-ope au maroa hai au bara ara kamakurana tahumba hangko i Pue Ala. Iami au mampopewali ope-ope au mewangka i langi. Ope-ope au mewangka iti, ara katebaliana. Agaiana Pue Ala, bara ara katebaliaNa, hai Iria bara wori ara kamakaindi.

Yakobu 4:17

Mewali, hema au moisa apa au maroa au hangangaa nababehi agaiana bara nababehi, tauna iti madosa.