Yohane 16:3 - Sura Malelaha

³ Ope-ope iti ina rababehi irikamu, lawi barahe moisa UmaNgku, hai Iko wori, baraNa raisa.

Yohane 16:3 Mawu Ofanana

Lukasi 10:22

Roo indo, nauli mbuli Yesu, “Hinangkana naweimoNa UmaNgku. Bara ara hadua au moisa kaIkona Anana Pue Ala, batena pea UmaNgku au moisaNa. Nodo wori, bara ara au moisa UmaNgku, batena pea Iko AnaNa hai hema pea au Kupopaisaa.”

Yohane 15:21

Ope-ope iti ina rababehiakau anti peulami Iriko lawi barahe moisa Pue Ala au motuduNa.

Yohane 15:23

Tauna au mokahihiNa, mokahihi worihe UmaNgku.

Yohane 17:25

O UmaNgku au manoto, baraKo raisa tauna i dunia ide. Agaiana Iko, KuisaKo. Hai ope-ope tauna au mepoinalai Iriko moisa kaOiona au motuduNa.

Yohane 17:3

Au Kutunggai hai ‘katuwo maroa au bara mokahopoa’ iami: Moisahe kaOiona Pue Ala au tou, au bara ara karoduaNa, hai moisa worihe Yesu Kerisitu au Nutudu mai i dunia.

Yohane 8:19

Rapekune toParisi, “Iumba UmaMu?” Mehana Yesu, “BaraNa niisa, ido hai bara wori niisa UmaNgku. Ane rapana niisa kahemaNgku i katou-touana, keniisa wori UmaNgku.”

Yohane 8:55

Moleri barato niisa kahemaNa. Ane Iko, Kuisa. Ane keKuuli Ia bara Kuisa, modongkoNa nodo ikamu. Agaiana tou-tou kaKuisaNa, hai Kupeulai lolitaNa.

Suro 3:17

Halalu-halalu, ikamu hai tadulakonta au mopapatemokau Yesu. Agaiana kuisa, apa au nibabehi iti, nibabehi anti kadana niisa lempona.

1 Korintu 2:8

Tadulako i dunia ide, barahe moisa tunggaiana Pue Ala. Lawi ane keraisa, kebarahe mopaku Amputa au meawa tuwoNa i kau mombehape.

2 Tesalonika 1:8

Hai Iami au ina mohuku tauna au barahe moisa Pue Ala hai au barahe mampeulai Ngkora Marasa au mopahawe kahemana Yesu Amputa.

1 Timotiu 1:13

Hangkoia mopapakoina Yesu hai mampopeahi-ahihe tauna au mepoinalai Iria. Agaiana nauri nodo, Napokaahi mpuuna, lawi i tempo iti bara manina mepoinalai Iria hai bara mani kuisa lempona apa au kubabehi.

1 Yohane 2:23

Tauna au mosapuaka Anana Pue Ala, barahe mohintuwu hai Pue Ala Umanta. Tauna au mopangaku Yesu Anana Pue Ala, mohintuwu worihe hai Pue Ala Umanta.

1 Yohane 3:1

Anti kamahilena ahina Pue Ala Umanta irikita, ido hai Naimbamoke anaNa, hai ikita tou-tou anaNa mpuuke Pue Ala. Agaiana tauna au bara mepoinalai i Yesu, bara raisa kaikitana anana Pue Ala, lawi bara worihe moisa Pue Ala.

1 Yohane 4:8

Tauna au barahe mampokaahi ranganda, bara manihe moisa Pue Ala, lawi Pue Ala iami ahi.

1 Yohane 5:20

Taisa worimi: Anana Pue Ala hawemi i dunia, hai Ia au moweike kanoto lalu bona moisake Pue Ala au tou. Mohintuwumoke hai Pue Ala au tou anti pohintuwuta hai Yesu Kerisitu AnaNa. Iami Pue Ala au tou. Hangko Iria molambimoke katuwo maroa au bara mokahopoa.