Yohane 16:16 - Sura Malelaha

¹⁶ Nauli mbuli Yesu, “Hampalai pearai, barapoNa ina niita. Hampalai pearai wori, ina niita suleNa.”

Yohane 16:16 Mawu Ofanana

Markus 16:19

Karoona Yesu mampololitaa topeguruNa, Ia teangkami lao i suruga, hai mohuda ntanda i koanana Pue Ala.

Yohane 12:35

Nauliangaahe Yesu, “Hampalai pearai, pewangka au mopamabaakau ide-ide barapi ina ara hihimbela hai ikamu. Molumao liliumokau i lalu kamabaana i tempona pewangka iti ara mani irikamu bona datikau narumpa kamakaindi. Tauna au molumao i lalu kakaindiana, bara raisa iumba kalaoanda.

Yohane 13:3

Agaiana naisa Yesu kanaweiNami UmaNa ope-ope kuasa. Naisa wori Ia hangko i Pue Ala, hai ina mesule hule i Pue Ala.

Yohane 13:33

AnaNgku, barapoNa mahae hihimbela hai ikamu. Ina nihaokiNa, agaiana nodo au Kuuliangaamohe tadulakonda to Yahudi hangkoia, nodo wori Kuuliangaakau: i kalaoaNgku barakau peisa hawe.

Yohane 16:10

Ia ina mopatongawa kamanotoNgku, lawi ina laomoNa i UmaNgku, hai barapoNa niita.

Yohane 16:22

Nodo wori ikamu: ide-ide masusa lalumi lawi ina paduNa. Agaiana ina Kupohidupaa hulekau. I tempo iti, ina matana hulekau, hai bara ara au peisa moala kamatana iti hangko irikamu.

Yohane 16:28

MeangkaNa hangko i UmaNgku maiNa i dunia ide. Ide-ide, ina Kupalehimi dunia ide, hai mesuleNa i UmaNgku.”

Yohane 16:5

Agaiana ide-ide, ina laomoNa i UmaNgku au motuduNa, hai barakau ara hadua au mekune Iriko ba iumba kalaoaNgku.

Yohane 17:13

Ide-ide, ina mesulemoNa Irio Uma. Ope-ope ide Kuuli i tempoKu mani hihimbela hai ihira i dunia ide bona buke kamatananda au ralambi hangko Iriko.

Yohane 17:5

Ido hai Kuperapi bona Nupopeawa suleNa himbela hai peawaMu, nodo peawaNta hangko damani dunia ide rapopewali.

Yohane 7:33

I tempo iti, Yesu tangana mololita i tauna bosa, Nauli, “BarapoNa mahae hihimbela hai ikamu, ina mesuleNa lao Iria au motuduNa.

Ibarani 12:2

Hangangaa mokamatake Yesu au mobungkahimi rara pepoinalainta hai au mopahandai pepoinalainta. Lawi Ia mantaha liliu i lalu kapari duuna mate i kau mombehape. KapateNa iti mepakaea ntepuu. Agaiana nauri nodo, bara Napailalu, Nahuhu pea wataNa rapaku i kau mombehape, lawi Napeinao molambi katana i bokona. Ide-ide mohudami ntanda i koanana kadera kadatuana Pue Ala i suruga.