Yohane 15:5 - Sura Malelaha

⁵ Ikomi patoa anggoro, hai ikamumi pengana. Tauna au mohintuwu liliu hai Iko, hai Iko mohintuwu hai ihira, rumihi powuanda. Agaiana ane megaakikau hangko Iriko, barakau peisa mobabehi apa-apa.

Yohane 15:5 Mawu Ofanana

Matiu 13:21

Agaiana bara kaladu pouakana Ngkorana Pue Ala i lalunda, ido hai barahe mantaha. Ane rapopeahi-ahihe ba rapamaparihe anti pepoinalainda i Ngkorana Pue, mousulihe hai barapohe mepoinalai.

Yohane 12:24

Tou mpuu lolitaNgku ide: Iko peisa rapandiri nodo haogu pare. Hangangaa ratuda hai mate, hangko arari wuana au ngkaia. Ane bara nodo, bara ina mowua.

Yohane 15:16

Bara ikamu au mopileiNa. Ikori au mopileikau. Kutudukau mowua; hai wua pobagomi iti bara ina matanta, ina mobundu hawe i hae-haena. Mewali, apa au niperapi i UmaNgku i lalu hangaNgku, batena Naweikau.

Yohane 5:19

Mewali mololitami Yesu irihira, Nauli, “Tou mpuu lolitaNgku ide: Nauri AnanaNa Pue Ala, baraNa peisa mobago moula peundeaKu haduduaNgku. Apa au Kuita Nababehi UmaNgku, batenami iti au Kupobago. Apa pea bagona UmaNgku, iti wori bagoNgku,

Yohane 9:33

Ane tauna iti bara hangko i Pue Ala, manoto kebara peisa mobabehi apa-apa.”

Suro 4:12

Hangko inditi, nauli mbulimi Peturu, “Bara ara rara ntani molambi katuwo maroa hangko i Pue Ala, batena pea Yesu. Lawi i humalele dunia ide, bara ara tauna ntanina, batena pea Yesu au natudu mai Pue Ala i manusia, hai Ia pea au Nabuku mohoremake hangko i huku dosanta.”

Roma 12:5

Nodo wori ikita au mepoinalai i Kerisitu, bosake agaiana hawata-wata peake i lalu pohintuwuta hai Kerisitu. Mohintuwuke hadua hai hadua.

Roma 6:22

Agaiana ide-ide, tekabahamokau hangko i kuasa dosa hai mewalimokau taunana Pue Ala. Itimi au moanti rasi irikamu, alana malelaha tuwomi, hai kahopoana molambikau katuwo maroa hawe i hae-haena.

Roma 7:4

Nodo wori ikita, halalu: Hangkoia tetaka manike i Aturana Musa. Agaiana ane matemoke hihimbela hai Kerisitu, tebolehimi pohintuwuta hai atura iti. Hai ide-ide, mohintuwumoke hai tohaduana, iami Kerisitu au tuwo hule hangko i kapate. Anti pohintuwuta hai Kerisitu, mobundumoke i Pue Ala.

1 Korintu 10:16

Ane maenuke anggoro i paande roti hai tauli ngkaia kamaroana i Pue Ala, lempona mokatuinaoke wahena Kerisitu au tebumbuhami i kau mombehape. Ada iti mopakanoto kaikitana tauna au Napahuru Kerisitu hai waheNa. Hai ane moandeke roti au rakira-kiraake lempona mokatuinaoke kapatena Kerisitu i kau mombehape. Ada iti mopakanoto pohintuwuta hai watana Kerisitu.

1 Korintu 12:12

Ikita au mepoinalai i Kerisitu peisa rapandiri nodo wata tauna. Ane wata tauna hambua pea, agaiana ngkaia ngaana. Nauri ngkaia ngaana, ope-ope ngaa iti mewali pea hambua wata.

1 Korintu 12:27

Ikamu ope-ope wataNamokau Kerisitu, hai hadua-haduakau iami hangkira hangko i wata iti.

2 Korintu 13:8

Barangkai bai moewa paturo au tou, agaiana moula peangkai paturo iti.

2 Korintu 9:10

Pue Ala mopasilolonga tinuda i topohawu, hai hangko i tinuda iti, Ia mopaara paande. Nodo wori, Pue Ala ina motambai apa au ara irikamu bona tetambai kamaroana lalumi motulungi tauna ntanina.

Galatia 5:22

Agaiana ane naninike Inao Malelaha, ina tongawa wuana i lalu katuwonta, i lalu poantita: mombepokaahike, matana-tanake, tinda lalunta, sabarake, maalusu pololitanta, maroa babehianta; mopabukeike dandita,

Epesu 5:9

Lawi hangko i kamabaana lalumi, mesupa ope-ope babehia au maroa, au tou hai au manoto.

Pilipi 1:11

Mekakaena bona nibabehi liliu apa au manoto anti pobagona Yesu Kerisitu i lalu katuwomi, alana bosa tauna motoia hai mampomahile Pue Ala.

Pilipi 4:13

Kubuku molindo hinangka au merumpa, lawi Kerisitu mopakaroho lalungku.

Pilipi 4:17

Kuuli nodo, bara anti kamampeinaongku mbuli molambi kabula lalumi. Agaiana peundeaku bona hangko i kamaroana lalumi, katetetambaia pewatina Pue Ala irikamu.

Kolose 1:10

bona babehiami ina hintoto hai tauna au moula peundeana Pue, hai bona ope-ope babehiami ina mopamatana laluNa. Ane nodo katuwomi, ina mobabehikau hinangka bago au maroa, hai ina katetetambaia poisami Pue Ala i lalu katuwomi.

Kolose 1:6

Ngkora Marasa iti, tebambarimi i humalele dunia alana kabosa-bosaa tauna au mepoinalai i Pue Yesu hai mobabehi apa au maroa. Himbela hai au mewali irikamu, halalu. I kamohadimi Ngkora Marasa iti, liliumokau mepoinalai i Pue Yesu, alana moisa ntepuukau kabulana laluna Pue Ala irikita.

Yakobu 1:17

Ope-ope au maroa hai au bara ara kamakurana tahumba hangko i Pue Ala. Iami au mampopewali ope-ope au mewangka i langi. Ope-ope au mewangka iti, ara katebaliana. Agaiana Pue Ala, bara ara katebaliaNa, hai Iria bara wori ara kamakaindi.

1 Peturu 2:4

Pue Yesu peisa rapandiri nodo haogu watu au tuwo. Watu iti ratende tauna, lawi rauli bara mobundu. Agaiana i peitana Pue Ala, watu itiri au mahile holona, hai Pue Ala mopilei watu iti mewali watu pohudaa sou. Hai ikamu, halalu au mepoinalai i Pue Yesu, maikau i Pue Yesu,

2 Peturu 3:18

Hangko i kabulana laluna Amputa Yesu Kerisitu hai kanoto lalu au Naweikau, hangangaa nipakaroho peulami Iria au mohoremake hangko i huku dosanta. Tatoiami Amputa mepongka ide-ide hawe i hae-haena. Amin. Hangko iriko, PETURU