Yohane 15:27 - Sura Malelaha

²⁷ Hai ikamu wori hangangaa mewali sabiNgku, lawi ikamumi au hihimbela hai Iko hangko i pepongkana bagoNgku i dunia ide.”

Yohane 15:27 Mawu Ofanana

Markus 1:1

Idemi Ngkora Marasa, tuntukana katuwona Yesu Kerisitu, Anana Pue Ala.

Lukasi 24:48

Ikamumi au mewali sabiNgku lawi niita matami ope-ope au mewali ide.

Yohane 19:35

Tauna au moita apa au mewali iti, iami au mopahaweakau apa au naita bona mepoinalai worikau. Lolitana ide tou, hai naisa apa au napololita ide tou.

Yohane 21:24

TopeguruNa Yesu itimi au mopahawe hinangka au raita mata, hai au mouki ope-ope iti i lalu sura ide. Hai kiisa posabina iti tou.

Suro 1:8

Agaiana ina nilambi kuasa ane mendaulu mai Inao Malelaha irikamu. Hai ikamu, ina mewalikau sabiNgku i Yerusale, i humalele tampo Yudea hai Samaria, hawe-hawe i humalele dunia.”

Suro 13:31

Roo indo, i lalu bahangkia alona, Yesu mopatongawa wataNa i tauna au meula Iria mepongka i Galilea hawe-hawe i Yerusale. Ihira itimi au mewali sabiNa i ope-ope to Yahudi hai au mopahawehe kaYesuna mpuu Datu Topehompo.”

Suro 18:5

Mewali, kahawenda Silas hai Timotiu hangko i tampo Makedonia, Paulu barapi mobago mobabehi atu bambaru hangko i koli, agaiana ia mopahawe liliumi Ngkora Marasa i to Yahudi, napololitaahe kana i Yesu, Datu Topehompo.

Suro 23:11

Kaindi iti, i karombenginami Paulu i sou surodado iti, unga pea Pue Yesu meangka i holana Paulu, Nauli, “Pakaroho lalumu. KuposabimoKo inde i Yerusale, hai batena ina kuposabi woriKo i wanua Roma.”

Suro 3:15

Yesu iti au moweike katuwo maroa, nipapatemi. Agaiana Napatuwo hule Pue Ala. Ikami ide sabiNa au moita katuwona hule Yesu.

Suro 4:20

Lawi barapi peisa kipengkaroongaa mampololita apa au kiita hai au kihadimi.”

Suro 4:33

I tempo iti surona Pue Yesu molambihe kuasa au mahile bona mopahawehe katuwona hule Pue Yesu. Hai molambihe ope-ope pewati au mahile ntepuu hangko i Pue Ala.

1 Peturu 5:1

Ara wori pamperapiku irikamu au mewalikau penatua. Kuukiakau ide lawi iko wori hadua penatua, hai moita matamona kapari au morumpa Kerisitu hangkoia. Hai ane hawe Kerisitu i lalu peawana tuwoNa au ina rapatongawa i ope-ope tauna, ina molambi worina kirangku i lalu peawana tuwoNa iti.

1 Peturu 5:12

Surangku au sosoe ide kuuki hai petulungina Silwanus, halalunta hampepepoinalai i Pue Yesu, hai kuisa ia ina mantaha liliu i lalu pepoinalaina. Inona kupahaweakau i kanoto-notoana noumba kamahilena ahina Pue Ala irikita bona maroho lalumi. Hangangaa tetida liliukau i kamaahiNa iti.

1 Yohane 4:14

Ikami au mewali suroNa, moitamongkai Anana Pue Ala, hai kisabikimi kaIana mpuu au natudu Pue Ala Umanta mewali Datu Topehorema i ope-ope tauna i dunia.

Pampetudungia 1:2

Mewali hinangka au kuita iti kuuki bona kupahaweakau Ngkorana Pue Ala hai apa au napatongawaamona Yesu Kerisitu.

Pampetudungia 1:9

Iko, Yohane, halalumi i lalu hangana Yesu. Himbela karapopeahi-ahinta anti peulanta i Yesu, hai himbela kamolambita kira i lalu poparentana Pue Ala, hai himbela wori kamantahata mohalea pepopeahi-ahi iti. Ratendena i lewuto au rahanga Patmos lawi mopahawena Ngkorana Pue Ala hai mosabina kana i Yesu au kupenombai.