Yohane 15:16 - Sura Malelaha

¹⁶ Bara ikamu au mopileiNa. Ikori au mopileikau. Kutudukau mowua; hai wua pobagomi iti bara ina matanta, ina mobundu hawe i hae-haena. Mewali, apa au niperapi i UmaNgku i lalu hangaNgku, batena Naweikau.

Yohane 15:16 Mawu Ofanana

Matiu 21:22

Apa pea au niperapi i lalu pekakaemi, ane nipoinalai, batena ina nilambi.”

Matiu 7:7

“Perapimide i Pue Ala, batena Naweikau. Haokimide apa au niparaluu i Pue Ala, batena nilambi. Tidongkomide baba, batena Nabungkahiakau.

Lukasi 6:13

Mesupami alo, Nakakiomohe tauna au meula Iria, hai Napileihe hampulo hai rodua hangko i olonda. Ihira itimi au Napakanoto Yesu bona mewali suroNa au mobambari Ngkora Marasa i tauna bosa.

Yohane 13:18

Apa au Kupololita inona, barakau nakanai ope-ope. Hema-hema au Kupilei Kuisa, amimi poampena. Agaiana hangangaa tepabukei apa au teuki i lalu Sura Malelaha au manguli: ‘Hadua tauna au maande hihimbela hai Iko, ia au ina mampoiwaliNa.’

Yohane 15:19

Ane rapana, hamporangaakau hai tauna au bara mepoinalai, batena rapokaahikau, lawi rangandakau. Agaiana Kupileimokau hai Kupatanikau hangko i olonda, alana barapokau raporanga. Ido hai rakahihikau.

Yohane 15:5

Ikomi patoa anggoro, hai ikamumi pengana. Tauna au mohintuwu liliu hai Iko, hai Iko mohintuwu hai ihira, rumihi powuanda. Agaiana ane megaakikau hangko Iriko, barakau peisa mobabehi apa-apa.

Yohane 6:70

Nauli Yesu, “Bara pae Ikoto au mopileikau au hampulo hai rodua ide? Agaiana hadua i olomi iami tokadake.”

Suro 1:24

Roo indo, mekakaemohe, rauli, “Pue, Nuisa ope-ope lalunda tauna. Yudasi, au mewali suroMu hangkoia, ide-ide manawomi, hai molambimi hurungina hintoto hai babehiana. Ido hai kiperapi, Nutudungia wongkamia kahemana hangko i tauna au rodua ide au Nupilei amimi mopahuru Yudasi.”

Suro 1:8

Agaiana ina nilambi kuasa ane mendaulu mai Inao Malelaha irikamu. Hai ikamu, ina mewalikau sabiNgku i Yerusale, i humalele tampo Yudea hai Samaria, hawe-hawe i humalele dunia.”

Suro 10:41

Agaiana Yesu bara tongawa i ope-ope tauna, batena pea irikami au napilei amimongkai Pue Ala mewali sabiNa. Hai i katuwona hule Yesu, maenu hai maande sambelangkai hai Ia.

Suro 22:14

Roo indo, nauliangaa mbulina, ‘Pue Ala au rapenombai toiorunta hangkoia mopileimoko bona nuisa apa peundeaNa. Napileiko bona moitako Yesu, Hawina Pue Ala au manoto, hai bona nuhadi lolitaNa.

Suro 9:15

Agaiana, Nauli mbuli Pue Yesu i Ananias, “Hangangaa laoko! Lawi Saulu iti, Kupileimi mewali topobagoNgku. Ia ina mopahawe hangaNgku i to Yahudi hai i tauna ntanina hawe-hawe wori i datu.

Roma 1:13

Halalu bona niisa bosami belana ara tunggaiaku lao mosondakikau, agaiana ara liliu au mohombokina. Tunggaiaku mosondakikau bona pobagongku ara wori wuana i olomi, nodo pobagongku au arami wuana i olonda tauna au barahe to Yahudi au arahe i wanua ntanina.

Roma 1:5

Hai anti kaYesuna, Naweina Pue Ala pewati mahile, Naangkana mewali suroNa bona iko au mobambari Ngkora Marasa i tauna au barahe to Yahudi i humalele dunia. Kupaturohe bona mepoinalaihe hai mengkoruhe i Pue Yesu, duuna hangana Yesu rapomahile.

Roma 15:4

Ope-ope au teuki hangkoia i lalu Sura Malelaha, teuki bona mewali paturo irikita. Hangko i paturo au tahumba i lalu Sura Malelaha iti, tabuku mantaha i lalu kapari, hai tehuweki lalunta bona maroho peharunganta i Pue Ala.

Roma 9:21

Topobabehi kori iti peisa moula peundeana haduduana. Hangko i hangkamumua tampo polo, ia peisa mobabehi roogu kori; haogu au nabati hai haogu au napake alo-alona.

1 Korintu 10:11

Ope-ope au mewali irihira hangkoia hangangaa tapailalu mewali ngkora pandiri irikita ide-ide. Hai ope-ope au mewali iti, teuki bona datike molambi pehukuna Pue Ala nodo irihira. Lawi ikita ide, tuwoke hungkumi i kahopoa dunia.

Galatia 1:15

Agaiana anti kabulana laluNa Pue Ala, hangko damanina rapoanaka, Napileimona bona mewalina SuroNa.

Epesu 2:10

Pue Ala mampopewalimoke manusia au wou anti pohintuwuta hai Kerisitu Yesu bona mobabehike apa au maroa moula tunggaiaNa irikita au Napasilolongami hangkoia.

Kolose 1:23

ane mepoinalai liliukau, mantahakau, hai barakau mampogiangaa tauna mopakanawokau. Mewali halalu, hangangaa nipakaroho peulami i paturo au nihadimi. Ineekau mokabaha peharungami i apa au nadandiamokau Pue Ala i lalu Ngkora Marasa. Ngkora Marasa iti rabambarimi i humalele dunia. Hai iko wori, mewalina hawina Pue au mopahawe Ngkora Marasa iti.

Kolose 1:6

Ngkora Marasa iti, tebambarimi i humalele dunia alana kabosa-bosaa tauna au mepoinalai i Pue Yesu hai mobabehi apa au maroa. Himbela hai au mewali irikamu, halalu. I kamohadimi Ngkora Marasa iti, liliumokau mepoinalai i Pue Yesu, alana moisa ntepuukau kabulana laluna Pue Ala irikita.

1 Timotiu 2:7

Ido hai naangkamona Pue Ala mewali suroNa. Natuduna mopahawe bambari iti i tauna au barahe to Yahudi. Natuduna mopaguruahe paturo au tou bona mepoinalaihe i Yesu. Tou mpuu au kuuli ide, barana modongko.

2 Timotiu 1:11

Ido hai naangkamona Pue Ala mewali surona Pue Yesu bona mopahawena Ngkora Marasa i tauna hai kupaturohe bona mepoinalaihe i Yesu.

2 Timotiu 2:2

Ope-ope paturo au nuhadimi hangkoia hangko iriko, i lindonda tauna bosa, hangangaa nupaturoa worihe tauna ntanina au peisahe rapoinalai hai au rabuku mopaguru tauna ntanina.

Titu 1:5

Titu, anangku, kupopaida liliuko i Kreta bona mourusiko pobagonta au bara mani roo. Mewali, nodo au roomoko kuhawaa, hangangaa nuangka tauna i ope-ope wanua au peisa motadulakoi to Sarani inditi.

Ibarani 11:4

Anti pepoinalaina Habeli, ia mohuhu popenombana i Pue Ala au meliu kamaroana hangko i popenombana Kai, wutuna. Taisami kaarana pepoinalaina, lawi matana laluna Pue Ala modoko popenombana. Hai anti pepoinalaina, Habeli naimba Pue Ala tauna au manoto. Nauri matemi, agaiana ia mololita mani irikita, lawi anti pepoinalaina ia mewali pandiri irikita au tuwo ide-ide.

Yakobu 3:18

Tauna au mohaoki pohintuwu, babehianda moula mpuu peundeana Pue Ala.

1 Peturu 3:15

Agina nipaisare katuwomi i Kerisitu, hai nipangaku kaIana pea Ampumi. Nipasilolonga amimi pehanami i tauna au mekune irikamu kana i peharungami i Pue Ala. Agaiana ane nihanaihe, hangangaa nipamaalusu lolitami hai meadaikau.

1 Peturu 3:2

lawi ane moitahe babehiami au malelaha hai pengkorumi, itimi au moantihe mepoinalai i Pue.

1 Yohane 4:10

Idemi au rauli ahi: bara ikita au nguru-nguruna mampokaahi Pue Ala, agaiana Pue Alari au nguru-nguruna mampokaahike, ido hai motudu mai AnaNa mewali pahuruna watanta bona teampungi dosanta.

1 Yohane 4:19

Mampokaahike Pue Ala hai halalunta, lawi Pue Ala iorumi mampokaahike.