Yohane 14:9 - Sura Malelaha

⁹ Nauli Yesu, “Bara maniNa pae nuisa, Pilipu? Mahaemoke hihimbela! Hema au moitaNa, moita wori UmaNgku. Mewali, moapari hai nuperapi bona Kutudungiakau UmaNgku?

Yohane 14:9 Mawu Ofanana

Markus 9:19

Nauli Yesu irihira, “Noumbarikau dide? Moapari pane bara mani maroho pepoinalaimi? Hangkia mani kamahaena ina hihimbelaNa hai ikamu? Hangkia mani kamahaena hangangaa Kusabarai peewami? Anti mai anangkoi iti!”

Lukasi 12:56

Mengkamapande mpuukau! Niisa mampekatandai tanda i langi hai i dunia, agaiana bara niisa mampekatandai apa au nababehi Pue Ala i tempo ide.”

Yohane 1:14

Ngkora iti mewali manusia, hai maida i olonta i dunia ide. Hai ikami, kiitami kamahilena kuasaNa. KuasaNa iti Nalambi hangko i UmaNa, lawi iami AnaNa HaduduaNa. LolitaNa tou mpuu, hai tongawa ope-ope kabulaNa laluNa irikita.

Yohane 10:30

Iko hai UmaNgku, hadua peaNgkai.”

Yohane 12:45

Tauna au moitaNa, moita worimi Pue Ala au motuduNa.

Yohane 14:20

Ane hawe tempo iti, ina niisa Iko mohintuwuNa hai UmaNgku, hai ikamu mohintuwukau hai Iko, nodo wori Iko mohintuwu hai ikamu.

Yohane 14:7

Ane niisaNa, niisa wori UmaNgku. Mepongka ide-ide, niisami hai niitami.”

Yohane 8:19

Rapekune toParisi, “Iumba UmaMu?” Mehana Yesu, “BaraNa niisa, ido hai bara wori niisa UmaNgku. Ane rapana niisa kahemaNgku i katou-touana, keniisa wori UmaNgku.”

1 Korintu 15:12

Mewali, ane kibambari katuwo hulena Kerisitu hangko i kapate, moapari hai ara mani tauna i olomi au mosapuaka katuwo hulenda tomate i alo pobotusia?

Pilipi 2:6

KatuwoNa, himbela hai Pue Ala, nauri nodo, katuwoNa au himbela hai Pue Ala, bara Napolai.

Kolose 1:15

Pue Ala, bara taita. Agaiana peisa taita hangko i poantiNa hai kuasana Yesu, lawi poantiNa hai kuasana Yesu himbela hai Pue Ala. Yesu teimba Ana Towutu, hangko i hinangkana au Napopewali Pue Ala lawi meliu kuasaNa.

Ibarani 1:3

Hangko Iria tongawa peawana tuwona Pue Ala. Hangko i Yesu moitake poantina hai kuasana Pue Ala. Ia au mokadipura hinangkana au ara hai lolitaNa au makuasa. Ia au mohuhu wataNa rapapate bona mobahoi manusia hangko i dosanda. Hai roo indo, mengkaoremi lao i suruga mohuda ntanda i koanana Pue Ala i lalu poparentaNa.

1 Yohane 5:20

Taisa worimi: Anana Pue Ala hawemi i dunia, hai Ia au moweike kanoto lalu bona moisake Pue Ala au tou. Mohintuwumoke hai Pue Ala au tou anti pohintuwuta hai Yesu Kerisitu AnaNa. Iami Pue Ala au tou. Hangko Iria molambimoke katuwo maroa au bara mokahopoa.