Yohane 14:1 - Sura Malelaha

¹ Yesu mololita i topeguruNa, nauli, “Inee bata-bata lalumi! Mepoinalaimokau i Pue Ala, hai mepoinalai worikau Iriko.

Yohane 14:1 Mawu Ofanana

Yohane 11:33

Yesu moita Maria moteria hai to Yahudi au napohimbelaa moteria wori, ido hai wiora mpuu laluNa.

Yohane 12:27

“Masusa mpuu ide laluNgku. Barapi Kuisa apa au hangangaa Kuuli, ina mekakaena Kuuli: ‘Uma, Nukabaha wongkoia hangko i kapari au ina morumpaNa!’ Agaiana idomi tunggaiaKu mai i dunia bona mantodihaNa kapari iti.

Yohane 12:44

Mololitami Yesu masisimbuku, Nauli, “Tauna au mepoinalaihe Iriko, bara Iko pea au rapoinalai, mepoinalai womohe Pue Ala au motuduNa.

Yohane 13:19

Ide Kupahawea amimokau hangko damani mewali bona ane mewalimi, ina nipoinalai ‘Ikomi au rauli IKO ARA’.

Yohane 16:24

Duuna ide-ide, bara manikau merapi apa-apa i lalu hangaNgku. Perapimide, hai ina nihumba bona buke ntepuu kamatanami.”

Yohane 16:3

Ope-ope iti ina rababehi irikamu, lawi barahe moisa UmaNgku, hai Iko wori, baraNa raisa.

Yohane 16:6

Masusa lalumi i kanihadina lolitaNgku inona au mouli kaina paduNgku.

Yohane 5:23

Ia mobabehi nodo bona rabilaNa ope-ope tauna nodo pebilanda i UmaNgku. Hema au baraNa mobila, bara worihe mobila UmaNgku au motuduNa.

Yohane 6:40

Idemi peundeana UmaNgku: bona ope-ope tauna au moitaNa hai au mepoinalai Iriko AnaNa, ina molambihe katuwo maroa au bara mokahopoa, hai ina Kupopearohe i alo pebotusi.”

2 Korintu 2:7

Ide-ide hangangaa niampungi. Nipalindo laluna dati gaga masusa pekirina duuna barapi ara peharungana.

Epesu 1:15

Mewali, anti kakuhadina bambari au mampololita noumba pepoinalaimi i Pue Yesu hai noumba kamaahimi i rangami hampepepoinalai,

2 Tesalonika 2:2

datikau holi-holi napawuli bambari au mampololita kahawenami Pue Yesu, lawi arahe au manguli Inao Malelaha mampopaisaahe nodo. Ara worihe au mouli kaarana sura hangko irikami au mopakanoto kahawenami alona Pue.

1 Peturu 1:21

Anti kahaweNa, ido hai mepoinalaikau i Pue Ala au mopatuwo hule Yesu hangko i kapate hai mowei katuwo mahile Iria, alana mepoinalaikau hai meharungakau i Pue Ala.