Yohane 12:48 - Sura Malelaha

⁴⁸ Tauna au mosapuakaNa hai bara modoko lolitaNgku, arami au ina mohuku. Lolita au Kupahawe, itimi au ina mohuku i alo pebotusi.

Yohane 12:48 Mawu Ofanana

Matiu 10:15

Tou mpuu au Kuuliangaakau, i alo pebotusi i kahopoa dunia, meliu pehukuna Pue Ala i tauna iti pane pehukuNa i ampu boea Sodomo hai Gomora hangkoia.”

Matiu 21:42

Nauliangaahe Yesu, “Bara mani pae nibasa lolita ide i lalu Sura Malelaha au manguli node: ‘Watu au ratende topoaro sou, watu iti au mewali pohudaa sou. Iti mewali moula peundeana Pue Ala, hai maroa ntepuu apa au Nababehi iti.’ ”

Matiu 25:31

“Iko Ana Manusia, ane hawe suleNa, ina meawaNa hai mahile mpuu kamakuasaNgku, hai ina raporangaiNa ope-ope malaeka. Ina mohudaNa i pohudaa kadatuaNgku au meawa.

Markus 12:10

Bara mani pae nibasa lolita i lalu Sura Malelaha au manguli node: ‘Watu au ratende topoaro sou, watu iti au mewali pohudaa sou.

Markus 16:16

Hema-hema au mepoinalai Iriko hai rariu, ina tehoremahe hangko i huku dosanda. Agaiana hema au bara mepoinalai batena rahuku.

Markus 8:31

Roo indo, napepongkami Yesu mampololita i topeguruNa apa au hangangaa mewali i wataNa, Nauliangaahe, “Iko, Ana Manusia, hangangaa molambi ngkaia kapari. Ina rasapuakaNa totosae boea, kapala-kapala tadulako mpenomba hai guru-guru agama. Ina rapapateNa, agaiana i alo katalu ina tuwo huleNa.”

Lukasi 10:16

Roo indo, mololita mbuli Yesu i topeguruNa, Nauli, “Hema au modoko lolitami, himbelami lolitaNgku au nadoko. Hema au mosapuakakau, himbelami Iko au nasapuaka. Hai hema au mosapuakaNa, himbelami Pue Ala au nasapuaka, lawi Ia au motuduNa.”

Lukasi 17:25

Agaiana nguru-nguruna, Iko hangangaa ina rapopeahi-ahiNa hai rasapuakaNa tauna au tuwo ide-ide.

Lukasi 20:17

Agaiana Natotokihe Yesu hai Nauli, “Apa lempona lolita ide au teuki i lalu Sura Malelaha: ‘Watu au ratende topoaro sou, watu iti au mewali pohudaa sou’?”

Lukasi 7:30

Agaiana toParisi hai guru-guru agama mosapuakahe tunggaiana Pue Ala irihira, lawi barahe mampoperiu i Yohane.

Lukasi 9:22

Nauli mbuli Yesu, “Iko, Ana Manusia, hangangaa molambi ngkaia kapari. Ina rasapuakaNa totosae boea, kapala-kapala tadulako mpenomba hai guru-guru agama. Ina rapapateNa agaiana i kataluna alona ina tuwo huleNa.”

Lukasi 9:26

Hema au maea mopangaku peulana Iriko hai mampokaea paturoNgku, Iko wori ina maea mopangaku kaiana topeulaNgku i kahaweNgku hule hangko i suruga. I tempo iti, Iko, Ana Manusia, ina mendaulu mai hangko i suruga, hai ina meawaNa anti kuasaNgku hai kuasana UmaNgku hai peawanda malaeka au malelaha.

Yohane 11:24

Nauli Marta, “Io, au kuisa, ina tuwo hule i alo pebotusi, i karapopearonda ope-ope tomate.”

Yohane 5:45

Inee nipehangu Iko au ina mosalaikau i lindona UmaNgku. Agaiana nabi Musari au ina mosalaikau, au iriakau meharunga.

Yohane 6:39

Idemi peundeaNa: bona hangko i ope-ope tauna au NaweiNa, inee ara hadua au matanta, agaiana ina Kupopearohe ope-ope hangko i kapate i alo pebotusi.

Yohane 8:47

Taunana Pue Ala raunde mampehadingi hai mampeulai lolitana Pue Ala. Agaiana ikamu, bara niunde mohadi hai mampeulai lolitaNgku, lawi barakau hangko i Pue Ala.”

Suro 17:31

Lawi i hambela tempo au Napakanotomi, Pue Ala ina mobotusi kara-karanda tauna i humalele dunia i kanoto-notoaNa. PobotusiNa iti ina napobago hadua tauna au napilei Pue Ala. Hai tauna iti Napatuwo hule hangko i kapate bona tongawa i ope-ope tauna kaIana au Napilei.”

Suro 3:23

Hema au bara mampeulai apa au nauli Nabi iti, ina ragaaki hangko i taunana Pue Ala, hai batena rapatuna.’

Roma 2:16

Nodo wori i alo pebotusi i kahopoa i dunia. I tempo iti, Pue Ala ina mowei kuasa i Yesu Kerisitu bona mobotusi ope-ope au tewuniangi i laluna manusia. Itimi Ngkora Marasa au kubambari.

2 Korintu 4:3

Ane Ngkora Marasa au kibambari, bara rapoinalai hai radoko tauna, iti mewali pea i tauna au tanganda monontohi kahurewu, lawi tetuko pekirinda.

2 Tesalonika 1:8

Hai Iami au ina mohuku tauna au barahe moisa Pue Ala hai au barahe mampeulai Ngkora Marasa au mopahawe kahemana Yesu Amputa.

Ibarani 10:25

Ineeke mokaraohi pogulu-gulu i lalu penomba, nodo au rababehi tauna ntanina, agaiana hangangaa hirampu liliuke menomba bona peisake mombepakaroho mpolalu, pelumbunami i tempo ide, lawi taisa barapi mahae Pue ina hawemi.

Ibarani 12:25

Maroa-roakau, ineekau hawe moae Pue, au mongkorami irikita. To Isaraeli hangkoia, barahe mampoinalai lolitana Pue Ala au mongkora irihira i Bulu Sinai, hai batenda rahuku. Apa mani ikita au mohadi lolitana Pue Ala au mongkora irikita hangko i suruga. Ane tasapuaka NgkoraNa, batena barake tekabaha hangko i pehukuNa.

Ibarani 2:3

melumbu mani pehukuna Pue Ala irikita ane barake mopailalu bambari katehorema. Hai bambari katehorema iti melumbu ntepuu kuasana hangko i aturana Musa, lawi nguru-nguruna bambari iti napahawemi Anana Pue Ala haduduaNa. Hai tauna au nguru-nguruna mohadi lolitana Yesu hangkoia mopakanotoake katouna bambari iti.

Ibarani 4:12

Lawi Ngkorana Pue Ala iami lolita au tuwo hai au makuasa. Meliu kamataruna hangko i piho au momata mpotimali. Piho peisa mebelai hawe i leho-leho buu hai ati buu. Nodo wori NgkoraNa Pue Ala metohu hawe i lalunta. Ngkora iti napake Pue Ala moparesa pekirinta hai tunggaiana lalunta.

1 Peturu 1:5

Hai anti pepoinalaimi, Nakampaikau Pue Ala hai kuasaNa hangko i ope-ope dake bona molambikau katehorema au ina Napatongawa i kahopoa dunia.

2 Peturu 3:3

Ara au hangangaa nikatuinao ntepuu: i alo-alo au ina mai i kahopoa tempo ide, ina hawehe tauna au nakuasai peundeana lalunda au kadake. Tauna iti ina mokakabosaikau,

2 Peturu 3:7

Langi hai tampo au ara hawe ide-ide nakadipura Pue Ala hai NgkoraNa duuna i alo pebotusi. I tempo iti, langi hai tampo ide ina Nagero Pue Ala hai api, hai ope-ope tauna au bara mengkoru Iria ina Nahuku.