Yohane 12:42 - Sura Malelaha

⁴² Nauri nodo, ara worihe bosa tadulakonda to Yahudi au mepoinalai i Yesu. Agaiana i lalunda pea mepoinalai, lawi mampokalangahe toParisi; langahe ina barapohe rapaliu mesua i sou penombaa.

Yohane 12:42 Mawu Ofanana

Matiu 10:32

Hema au mopangaku i lindonda tauna bosa peulana Iriko, ia ina Kupangaku wori i UmaNgku au ara i suruga.

Lukasi 12:8

“Pehadingi maroa lolitaNgku: hema au mopangaku i lindonda tauna bosa peulana Iriko, Ana Manusia, ia ina Kupangaku wori i lindonda malaekana Pue Ala.

Lukasi 23:13

Hangko indo, Pilatu mogulu mbulimi ope-ope kapala tadulako mpenomba hai totosae boea hai tauna bosa,

Lukasi 6:22

Morasikau au rakahihi, au barakau rapohintuwua, rakakabosai hai rasalai tauna anti peulami Iriko Ana Manusia.

Yohane 11:45

Bosahe to Yahudi au mai mosondaki Maria i tempo ido, moita apa au nababehi Yesu. Hai bosahe au mepoinalai Iria.

Yohane 12:11

Lawi anti kaiana, rapalehihe bosa to Yahudi au mepoinalaimohe i Yesu.

Yohane 16:2

Ina rawurakau hangko i sou penombaa. Hai bara iti pea, agaiana hambela tempo ane tauna mopapatekau, ina rauli, itimi peundeana Pue Ala.

Yohane 19:38

Roo indo, ara hadua tauna au rahanga Yusupu hangko i boea Arimatea. Ia mepoinalai ngkandii i Yesu, lawi mampokalanga tadulakonda to Yahudi. Kapatena Yesu, laomi Yusupu i Pilatu mamperapi watana Yesu bona ratawu. Napaliumi Pilatu, mewali laomi Yusupu mangala watana Yesu.

Yohane 3:2

Hambela tempo, kaindi, ia mai mampohidupaa Yesu, hai mololita nauli, “Guru, kiisa Oio hadua guru au natuduKo mai Pue Ala, lawi bara ara tauna au peisa mobabehi tanda kuasa nodo au Nubabehi, ane bara naporangai Pue Ala.”

Yohane 7:13

Agaiana bara ara hadua au bai mololita totongawa kana i Yesu, lawi mampokalangahe tadulakonda to Yahudi.

Yohane 7:31

Agaiana arahe bosa tauna i olonda au mepoinalai Iria, rauli, “Datu Topehompo mpuu, lawi ngkaiami tanda kuasa au Nababehi.”

Yohane 9:22

(Inana hai umana manguli nodo, lawi langahe i tadulakonda to Yahudi. Lawi arami kabotuana hawanda tadulako iti au node: hema-hema au manguli Yesu iti Datu Topehompo, barapohe rapaliu mesua i sou penombaa.

Yohane 9:34

Rahanai tadulakonda to Yahudi iti, rauli, “Oio tauna au bukeko dosa hangko i pesupamu peami. Moapari pane baiko mopaturongkai?” Mepongka inditi, rawurami hai barapi rapaliu mesua i sou penombaa.

Suro 5:41

Padumohe suro iti mopalehi poteruhuanda. Matana mpuu lalunda, lawi Naweihe Pue Ala katepaka rapopeahi-ahi hai rakakabosai anti peulanda i Yesu.

Roma 10:10

Anti pepoinalainta i Yesu hangko i lalunta, ido hai Naimbamoke Pue Ala manoto i peitaNa. Hai anti katapangakunami Yesu i lolitanta, ido hai tehoremamoke hangko i huku dosanta.

1 Yohane 4:15

Hema pea au mopangaku Yesu iami Anana Pue Ala, Pue Ala mohintuwu hai ia, hai ia mohintuwu hai Pue Ala.

1 Yohane 4:2

Ide au mopakanotoake hema au nakuasai Inaona Pue Ala: ope-ope tauna au mopangaku kaYesuna Datu Topehompo au mewali manusia, tauna iti napoanamohe Pue Ala.