Yohane 12:29 - Sura Malelaha

²⁹ Tauna bosa au mohadi wotu iti, mololitahe rauli, “Iti pomoni gumpata!” Agaiana hanggaahe manguli, “Bara. Ara malaeka au mololita Iria.”

Yohane 12:29 Mawu Ofanana

Suro 9:7

Tempo iti, tauna au hihimbelahe hai Saulu barahe peisa mololita, lawi langahe. Ihira mohadi worihe wotu iti, agaiana bara raita kahemana au mololita.

Pampetudungia 11:19

Hangko indo, tebungkahimi baba Souna Pue Ala i suruga, hai i lalu SouNa raita Peti Podandi. Liliu mombehangkemi kila, kegumpatami, kelinu, hai toami uda mowua au rumihi.

Pampetudungia 14:2

Ara kuhadi pomoni au mahile hangko i suruga, nodo powoo owai au ngkaia, hai karumihina nodo pogumuru gumpata. Pomoni au kuhadi iti, nodo wori pomoni kecapi au rakalea tauna.

Pampetudungia 6:1

Roo indo, kuitami Ana Dimba mobungkahi pene au kaisa hangko i pitu pene iti. Kuhadi hambaa hangko i pinatuwo au iba iti mekakio masisimbuku nodo pomoni gumpata, nauli, “Maimoko!”

Pampetudungia 8:5

Roo indo, malaeka iti mangala tabo pointua dupa, napambolii api hangko i meja pointua dupa, hai nanawo i dunia. Hangko indo, kegumpatami, kekilami, hai kelinumi.