Yohane 12:26 - Sura Malelaha

²⁶ Hema au naunde mewali hawiNgku, hangangaa meula Iriko bona iumba kalaoaNgku, inditi wori ia. Hai hema au mewali hawiNgku ina napomahile UmaNgku.”

Yohane 12:26 Mawu Ofanana

Matiu 16:24

Roo indo, Yesu mouliangaahe topeguruNa, “Hema au mampeinao meula Iriko, hangangaa mokabaha peundeana haduduana hai mohalea kau popakuana. Ane nodo, hangko peisari meula Iriko.

Matiu 25:21

Nauli ampunda, ‘Maroa mpuu kanupopolumaona bago au kuweiko. Mewali, anti kamanotomu i bago au koi, kupoinalaiako bago au mahile. Maimoko hihimbela hai iko i lalu katana-tana.’

Markus 8:34

Roo indo, Yesu mokakio tauna bosa mogulu hai topeguruNa, hai Nauliangaahe, “Hema au mampeinao meula Iriko, hangangaa mokabaha peundeana haduduana hai mohalea kau popakuana. Ane nodo, hangko peisari meula Iriko.

Lukasi 12:37

Morasihe hawi au mainga-inga hai mampegia ampunda, duuna hawe. Lawi ampunda iti ina mowewe pekona, napopohudahe, hai narorahe.

Lukasi 6:46

“Moapa hai nikakioNa Pue, agaiana bara nipeulai hawaNgku?

Lukasi 9:23

Hangko inditi, Yesu mouliangaahe ope-ope tauna, “Hema au mampeinao meula Iriko, hangangaa mokabaha peundeana haduduana hai alo-alona mohalea kau popakuana. Ane nodo, hangko peisari meula Iriko.

Yohane 10:27

Dimbaku mohadi wotungku. Kuisa mpuuhe, hai raulana.

Yohane 13:16

Tou mpuu lolitaNgku ide: hadua hawi bara meliu karabilana hangko i ampuna. Hadua tudua bara meliu karabilana hangko i tauna au metudu.

Yohane 14:15

“Ane nipokaahiNa, manoto nipeulai hawaNgku.

Yohane 14:3

Ane roomoNa mopasilolonga paidaami, ina mesule huleNa maikau Kuala, bona iumba pea kaaraaNgku, inditi worikau hihimbela hai Iko.

Yohane 15:20

Nikatuinao apa au Kuuliangaakau inona: hadua hawi bara meliu karabilana hangko i ampuna. Mewali ane Iko rapopeahi-ahi, ikamu wori ina rapopeahi-ahi. Ane arahe tauna au moula lolitaNgku, batenda mampeulai wori lolitami.

Yohane 17:24

Uma, peundeaKu bona ihira au NuweimoNa ina maida hihimbela hai Iko i paidaaNgku bona moitahe peawaNgku. PeawaNgku iti NuweimoNa, lawi NupokakaiaNa hangko damani dunia ide rapopewali.

Yohane 21:22

Nauli Yesu, “Ane Kuunde bona ia tuwo liliu duuNgku hawe i karombelana, bara paraluu nuisa! Agaiana oio meula peamoko Iriko.”

Roma 1:1

Sura ide hangko iriko, Paulu, hawina Yesu Kerisitu, au Napilei hai Natudu mobambari Ngkora Marasa hangko i Pue Ala.

Roma 14:18

Ane nodo peulanta i Kerisitu, ikita ina napokatana Pue Ala hai rabilake ranganta.

2 Korintu 4:5

Barangkai mopahawe bambari kana i watangki haduduangki. Agaiana mopahawengkai bambari au manguli: Yesu Kerisitu iami Pue. Hai ikami ide mewalimongkai hawimi moula hawana Yesu.

2 Korintu 5:8

Ido hai maroho liliu lalunta. Kehapirike mate, taporasi lawi ane mogaake hai watanta ide, tanoananta ina hihimbela hai Pue.

Galatia 1:10

Mewali halalu! Ba nipehangu mampopetoiana i manusia anti pololitangku inona? Bara, agaiana mampeinao peana molambi petoia hangko i Pue Ala. Ba niuli node: “Paulu mampeinao pea mopamatana laluna manusia?” Bara kuunde mopamatana laluna manusia, lawi ide iko, hawinana Kerisitu.

Pilipi 1:23

Au rompaka iti mombedii mani i lalungku. Kupeinao mopalehi dunia ide hai laona maida hihimbela hai Kerisitu, lawi iti au maroa ntepuu.

Kolose 3:24

Hai nipailalu lolita ide: Pue ina moweikau saromi moula apa au Nadandimi i ope-ope taunaNa. Kerisitu iami Ampumi, hai ikamu hawiNakau.

Kolose 4:12

Tabea wori hangko i Epafras, hawina Kerisitu Yesu au hambomboeami. Napekakaea liliukau bona maroho peangkami hai manoto pepoinalaimi moula ope-ope peundeana Pue Ala bona datikau masala.

2 Peturu 1:1

Sura ide hangko iriko, Simo Peturu hawina hai surona Yesu Kerisitu, kupakatuakau halalu au mepoinalai i Yesu Kerisitu. Yesu Kerisitu iami Pue Ala au mohoremake hangko i huku dosanta. Anti kamanotona Pue Ala, Napopewalimokau taunaNa au mepoinalai Iria, himbela hai ikami suroNa.

1 Yohane 5:3

Lawi ane mampokaahike Pue Ala, lempona mampeulaike hawaNa. Hai hawaNa iti, bara mapari,

Yudasi 1:1

Sura ide hangko iriko Yudasi, hawina Yesu Kerisitu hai halaluna Yakobu. Sura ide kupakatu irikamu halalu au nakakiokau Pue Ala Umanta mewali taunaNa. Pue Ala mampokaahikau, hai Yesu Kerisitu ina mokampai liliukau duuna i kahaweNa hule.

Pampetudungia 14:4

Hai ihira iti barahe hambela modaihi watanda, malelahahe, nodo hadua towawine au bara mani hambela motambi. Iumba kalaoana Ana Dimba, indo wori kalaoanda. Ihira itimi au Nahompo Ana Dimba hangko i olonda ope-ope tauna i dunia. Nodo tauna mohuhu wua au nguru-nguruna hangko i tuda-tudanda i Pue Ala, ihira wori mewalimohe popenomba au nguru-nguruna i Pue Ala hai i Ana Dimba.