Yohane 11:55 - Sura Malelaha

⁵⁵ I tempo iti, hungkumi alo mahile agama Yahudi au rauli Alo Posusa Pasa. Hangko damani alo mahile iti, bosa tauna hangko i boea-boeana lao i Yerusale bona mobahoihe watanda moula ada agamanda.

Yohane 11:55 Mawu Ofanana

Matiu 26:1

Karoona Yesu mopahawe ope-ope iti, Nauliangaahe topeguruNa,

Matiu 26:2

“Niisa rongalo rai, ina hawe alo mahile Pasa. Hai Ana Manusia ina rahuhu bona rapaku i kau mombehape.”

Markus 14:1

Rongalo rai ina hawe Alo Posusa Pasa hai Posusa Roti Au Bara Raragii. I tempo iti, kapala-kapala tadulako mpenomba hai guru agama mohaoki rara mohaka ngkandii Yesu bona rahuhu rapapate.

Lukasi 22:1

Barapi mahae ina hawe alo mahilenda to Yahudi au rahanga Posusa Roti au Bara Raragii hai au rahanga wori Posusa Pasa.

Yohane 12:1

Ini alona hangko damani Alo Posusa Pasa, laomi Yesu i Betania, boea paidaana Lasaru, au Napatuwo hule.

Yohane 13:1

Hangalo hangko damani hawe Alo Posusa Pasa, naisami Yesu kaina hawenami tempoNa mopalehi dunia hai mesule i UmaNa. Ia mampokaahihe ope-ope tauna au meula Iria, hai batena Napokaahihe duuna i kahopoana.

Yohane 18:28

Madondo-dondo, Yesu raanti hangko i souna Kayapas lao i souna gubernur. Tadulakonda to Yahudi, barahe mesua i lalu souna gubernur datihe mewali kedai moula atura agamanda, lawi gubernur iti bara to Yahudi. Hai ane mesuahe i lalu souna, barahe peisa moande paande Pasa.

Yohane 2:13

Ina hawemi tempona alo mahile agama Yahudi au rauli Alo Posusa Pasa, laomi Yesu i Yerusale.

Yohane 2:6

I sou iti, ara ini mbuana gumba au mahile au rababehi hangko i watu. Gumba iti moihi owai pobahoia taie moula adanda to Yahudi. Kangkaiana ihi haogu gumba iti, ba arato pae hangatu lima pulona kati.

Yohane 5:1

Roo indo, mesule mbulimi Yesu lao i Yerusale bona moula alo mahilenda to Yahudi inditi.

Yohane 6:4

I tempo iti, hungkumi alo mahile agama Yahudi au rahanga Alo Posusa Pasa.

Suro 21:24

Mewali, hangangaa laoko hihimbela hai ihira i Souna Pue Ala mobabehi ada agama mpobahoi wata, hai hangangaa nubaiari holo binata popenombanda bona peisamohe mogundi weluanda moula dandinda. Ane nodo, ina manoto i ope-ope tauna kadana tou bambari au rahadi kana i pepaturomu. Lawi nupeulaitomani Aturana Musa.

Suro 21:26

Napeulai mpuu Paulu paturonda iti. Ido hai kahalona laomi hihimbela hai rangana au iba mobabehi ada agama mpobahoi wata. Roo indo, mesuami Paulu i lalu Souna Pue Ala mopahawe i tadulako mpenomba kaimpirana ina hopo alo-alo pobahoi watanda. Lawi ane hopomi tempo pobahoi watanda, Paulu hai rangana au iba iti hangangaa mesua i lalu Souna Pue Ala hai moantihe popenombanda hadua-hadua.

Suro 24:18

Tangangku moanti popenombaku iti, bahangkia to Yahudi molambina i Souna Pue Ala. I tempo iti, roomona mobabehi ada mpobahoi wata moula ada agamangki. Bara bosa tauna au hihimbela hai iko i tempo iti, hai barato wori ara pogewo-gewo.

1 Korintu 11:28

Agina ope-ope tauna moparesahe hampai lalunda, hangko peisarihe maande roti.

Yakobu 4:8

Hangangaa hungkukau i Pue Ala bona Ia wori hungku irikamu. Ane ara dosami, hangangaa nipangaku hai nikabaha. Ane morompenga lalumi, hangangaa nipamalelaha.