Yohane 11:47 - Sura Malelaha

⁴⁷ Ido hai toParisi hai kapala-kapala tadulako mpenomba mopaaramohe pogombo mahile hihimbela hai tadulako agama au ntanina, rauli, “Apa au hangangaa tababehi? Nipeita! Ngkaiami tanda kuasa au Nababehi tauna iti.

Yohane 11:47 Mawu Ofanana

Matiu 26:3

I tempo iti, kapala-kapala tadulako mpenomba hai totosaenda to Yahudi mogulumohe i souna Tadulako Mpenomba Mahile au rahanga Kayapas.

Matiu 5:22

Agaiana ide-ide kuuliangaakau: hema au rumpu i halaluna hampepepoinalai, ina rabotusi i kara-karana. Hema au motunda-tunda halaluna, ina raanti i Topeparesa Mahile. Hai hema au mampotontulia hampepepoinalaina, hintoto mpuu ratende i lalu api naraka.

Markus 14:1

Rongalo rai ina hawe Alo Posusa Pasa hai Posusa Roti Au Bara Raragii. I tempo iti, kapala-kapala tadulako mpenomba hai guru agama mohaoki rara mohaka ngkandii Yesu bona rahuhu rapapate.

Lukasi 22:2

I tempo iti, kapala-kapala tadulako mpenomba hai guru-guru agama mohaokihe rara mopapate ngkandii Yesu, lawi mampokalangahe tauna bosa.

Yohane 11:57

Nodo lolitanda tauna bosa, lawi kapala-kapala tadulako mpenomba hai toParisi mampopesuwumohe parenta i tauna bosa au manguli, “Hema-hemakau au moisa kaiumbana Yesu, hangangaa niuliangaangkai bona rahaka.”

Yohane 12:19

Molololitamohe toParisi, hadua hai hadua rauli, “Manangimoke dide! Peita, ope-ope tauna i dunia meulamohe Iria.”

Yohane 2:11

Yesu mobabehi tanda kuasa au nguru-nguruna iti i boea Kana i tampo Galilea. Hai tanda kuasa iti, Ia mopatongawa peawaNa. Roo indo, rapoinalaimi topeguruNa.

Yohane 6:2

Bosa mpuu tauna au meula Iria, lawi moitamohe ope-ope tanda au Nababehi i kamopakaohaNa tomahai.

Yohane 7:32

Arahe bahangkia toParisi au mohadi pombekakaneninda tauna bosa kana i Yesu. Ido hai ihira hai kapala-kapala tadulako mpenomba motudumohe bahangkia topokampai Souna Pue Ala lao mohaka Yesu.

Yohane 7:45

Topokampai Souna Pue Ala au ratudu mohaka Yesu mesulemohe lao i toParisi hai i kapala-kapala tadulako mpenomba. Barahe mewali mohaka Yesu. Mekunehe tadulako iti irihira, rauli, “Moapari hai bara nihaka hai nianti mai?”

Suro 5:21

Mewali, madondo-dondo, lao mpuumohe i Souna Pue Ala hai mepaturohe. Tanganda mepaturo, Tadulako Mpenomba Mahile hai rangana mokakio ope-ope tadulakonda to Yahudi bona teruhuhe i Pogombo Mahile to Yahudi. Mogulu mpuumohe ope-ope, hai motuduhe tauna lao moala surona Pue Yesu au i lalu tarunggu bona raantihe i lindonda.

Suro 5:24

Karahadina tadulako surodado topokampai Souna Pue Ala hai kapala-kapala tadulako mpenomba bambari iti, wulimohe lawi barapi raisa kaiumbanda suro iti, hai langamohe mampekiri apa au ina mewali.