Yohane 11:40 - Sura Malelaha

⁴⁰ Nauli Yesu i Marta, “Bara pae Kuuliangaamoko inona, ane nupoinalaiNa, ina nuita mpuu kamahilena kuasana Pue Ala?”

Yohane 11:40 Mawu Ofanana

Matiu 17:20

Nahanaihe Yesu, “Nodomi, lawi makura mani pepoinalaimi. Tou mpuu au Kuuliangaakau ide: ane arami pepoinalaimi nauri kokoi pea nodo lihu hahawi, ope-ope peisa mewali. Peisakau mouliangaa bulu iti: ‘Melimbako hangko inditi!’ hai batena melimba.

Markus 9:23

Nauli Yesu, “Moapari hai nuuli ‘Ane peisa?’ Ope-ope peisa mewali i tauna au mepoinalai Iriko.”

Yohane 1:14

Ngkora iti mewali manusia, hai maida i olonta i dunia ide. Hai ikami, kiitami kamahilena kuasaNa. KuasaNa iti Nalambi hangko i UmaNa, lawi iami AnaNa HaduduaNa. LolitaNa tou mpuu, hai tongawa ope-ope kabulaNa laluNa irikita.

Yohane 11:4

Kanahadina Yesu bambari iti, Nauli, “Hakina iti bara ina Napomate. Iti mewali bona peawana Pue Ala rapatongawa, hai bona Iko AnaNa rapomahile woriNa.”

Yohane 12:41

Lolita kana i Yesu iti napahawe nabi Yesaya hangkoia, lawi naita amimi peawaNa.

Yohane 9:3

Mehana Yesu, Nauli, “Bara anti dosana haduduana, hai bara wori anti dosanda tosaena. Ide mewali bona kuasana Pue Ala rapatongawa iria.

Roma 6:4

I karariunta iti, nodoke tauna au mate hai ratawu himbela hai Kerisitu bona nodo Kerisitu rapatuwo hule hangko i kapate anti kuasana Pue Ala Umanta, nodo wori ikita, molambike katuwo au wou hai mobabehike apa au manoto i peitaNa.

2 Korintu 3:18

Mewali, ikita ope-ope au mepoinalai i Pue, barapi ara tolombu au mobalungkuhi lalunta. Taisami kuasana Pue, hai kuasaNa iti mobaliki liliu lalunta. Kamahae-haea, katetetambaia kuasana Pue i katuwonta duunta mewali nodo Ia. Inaona Pue haduduaNa au mampopolumao bago iti i lalunta.

2 Korintu 4:6

Lawi Pue Ala au mongkora, Nauli, “Hangko i kamakaindi, mesupami baa!”, Ia worimi au mampopesupa baa i lalunta, bona moisake peawana tuwona Pue Ala au tongawa i tuwona Kerisitu.