Yohane 10:5 - Sura Malelaha

⁵ Barahe moula tauna ntanina. Ane ara tauna au bara toporewunda au mokakiohe, tauna iti rapelangkaha, lawi bara raisa wotuna.”

Yohane 10:5 Mawu Ofanana

Markus 4:24

Mololita mbuli Yesu, Nauli, “Nipailalu apa au nihadi ide. Lawi ane ngkaia au nihadi hai nipeulai, ngkaia wori au ina napakanotoakau Pue Ala, ba melumbuto mani hangko inditi.

Lukasi 8:18

Ido hai Kuuliangaakau, nipehadingi maroa-roa Ngkorana Pue Ala. Lawi tauna au mampoinalai Ngkorana Pue Ala, rapakanoto lalunda bona tetambai apa au ara irihira. Agaiana tauna au barahe mampoinalai Ngkorana Pue Ala, nauri arami haodi au raisa, hangangaa raala hule.”

Yohane 10:16

Ara manihe dimbaKu au ntanina, agaiana barahe hangko i gimpu ide. Ihira, hangangaa Kunini worihe mai. Ina raisa mpuu wotuNgku, ina mewali peahe hantobu, hai hadua pea au mamporewuhe.

Yohane 10:4

Ane opemohe dimbana i raoa, molumaomi iorunda, hai dimbana meulahe iria, lawi raisa mampekatandai wotuna.

2 Timotiu 4:3

Lawi i alo-alo au ina mai, tauna barapi ina raunde mampehadingi paturo au tou. Ina mohaokihe guru-guru au mopaturoahe lolita au mopakatana pea lalunda bona peisahe mampeulai apa peundeana lalunda.

1 Yohane 2:19

Tauna au mampoiwalihe Kerisitu iti arahe i olonta hangkoia, agaiana katouana barahe ranganta. Ido hai padumohe mopatani hangko irikita. Ane rapana tou-tou rangantahe, kemia-miahe taporanga. Agaiana megaakimohe hangko irikita, ido hai manoto kadanda mpuu huba hadua au himbela hai ikita.

1 Yohane 2:21

Mewali, tunggaiaku moukiakau sura ide bara anti kadami moisa paturo au tou. Agaiana kuukiakau sura ide, lawi moisamokau paturo au tou, hai moisa worimokau kadana mpuu ara dongko au hangko i paturo au tou.

Pampetudungia 2:2

Nauli: Kuisa noumba babehiami: madotakau i lalu bagoNgku, hai mantahakau i tempomi rapopeahi-ahi anti pepoinalaimi Iriko. Kuisa kanikahihina babehianda tauna au kadake. Arahe au manguli suroNgkuhe, agaiana bara tou. Niisa podongkonda, lawi bara maroa babehianda.