Yohane 10:36 - Sura Malelaha

³⁶ Ikomi au napilei UmaNgku au motuduNa mai i dunia. Mewali, moapari hai niuli mopapakoina Pue Ala ane Kuuli, Iko Anana Pue Ala?

Yohane 10:36 Mawu Ofanana

Matiu 27:43

Ia mepoinalai i Pue Ala, hai Nauli kaiana Anana Pue Ala. Tapeita ba mai mpuu nakabaha Pue Ala!”

Matiu 27:54

Tadulako surodado hai surodadona au mokampai Yesu, langa mpuuhe mohadi linu hai moita ope-ope au mewali iti. Rauli, “Tou mpuu Ia ide Anana Pue Ala!”

Lukasi 1:35

Nahanai malaeka, “Inao Malelaha ina mendaulu irio, hai kuasana Pue Ala ina mobobongiko. Ido hai anangkoi au ina nupoanaka iti, ina rauli Anana Pue Ala au Malelaha.

Yohane 10:35

Apa au teuki i lalu Sura Malelaha iti, bara ara katebaliana. Mewali, ane Sura Malelaha manguli ‘pue alakau’ i tauna au motarima Ngkorana Pue Ala hangkoia, pelumbunami Iko.

Yohane 17:18

Nodo Iko, NutuduNa mai i dunia. Nodo wori ihira, Kutuduhe lao i tauna ntanina i dunia.

Yohane 17:21

Kuperapi bona ihira ope-ope hampepekiri. Nodo Uma mohintuwu hai Iko, hai Iko mohintuwuNa hai Uma, Kuperapi bona ihira wori mohintuwu hai Ikita bona ope-ope tauna ina mampoinalai kaOiona au motuduNa.

Yohane 17:8

Kupahaweamohe ope-ope lolita au NupahaweaNa. Lolita iti radokomi, hai ide-ide tou-tou mpuu raisami Iko hangko IrioNa mai. Rapoinalaimi kaOiona au motuduNa.

Yohane 19:7

Rauli tadulakonda to Yahudi, “Moula atura agamangki, Ia hangangaa rahuku mate, lawi Nauli kaIana Anana Pue Ala.”

Yohane 20:28

Nauli Tomas, “Oiomi Ampuku hai Pue Ala au kupenombai!”

Yohane 20:31

Agaiana apa au kuuki ide, kuuki bona nipoinalai kaYesunami Datu Topehompo, Anana Pue Ala, hai bona molambikau katuwo maroa au bara mokahopoa hangko i pepoinalaimi Iria.

Yohane 3:17

Pue Ala motudu AnaNa mai i dunia bara mai mohuku manusia. Agaiana bona mai mohorema manusia hangko i huku dosanda.

Yohane 3:34

Lawi Iami au natudu Pue Ala mohowara NgkoraNa, hai Pue Ala mowei Inao Malelaha Iria au bara ara hokana.

Yohane 5:30

Yesu mopaliliu lolitaNa, Nauli, “Iko, baraNa peisa mobabehi apa-apa moula peundeaKu haduduaNgku. Kubotusi hinangkana moula apa au nahawaaNa UmaNgku. PobotusiNgku manoto, lawi baraNa moula peundeaKu haduduaNgku, agaiana moula peaNa peundeana Pue Ala au motuduNa.

Yohane 6:27

Ineekau mobago mohaoki paande au hampalai pea kaopena hai au polo mawai. Agaiana mobagokau mohaoki paande au bara peisa mawai hai au moweikau katuwo maroa au bara mokahopoa. Iko Ana Manusia au ina moweikau paande iti, lawi Ikomi au Napilei Pue Ala hai au Napokatana.”

Yohane 6:38

Lawi kamaiNgku hangko i suruga, baraNa mobabehi peundeaKu haduduaNgku. Agaiana maiNa mobabehi peundeana Pue Ala au motuduNa.

Yohane 6:57

UmaNgku au motuduNa, Iami pongkana katuwo, hai Iko tuwo hangko Iria. Nodo wori tauna au maande ontoKu, molambihe katuwo hangko Iriko.

Yohane 6:69

Ikami, kipoinalaimi hai kiisa kaOiona mpuu Suro au malelaha hangko i Pue Ala.”

Yohane 8:42

Nauli Yesu, “Ane tou-tou mpuu Pue Ala Umami, kenipokaahiNa, lawi Iko hangko i Pue AlaNa mai, hai Ikomi SuroNa. MaiNa bara moula peundeaKu haduduaNgku. Agaiana moulaNa peundeana Pue Ala, lawi Ia au motuduNa.

Roma 1:4

TuwoNa malelaha nodo Pue Ala hai i pearona hangko i olo tomate, mewali hambua tanda kuasa au mopatongawa, Yesu Kerisitu Amputa iti, iami Anana Pue Ala.

Roma 8:3

Barake peisa tekabaha hangko i kuasa dosa lawi bara tabuku moula aturana Musa anti kamaledenta. Agaiana apa au bara peisa tababehi i atura agama anti kamaledenta, Napopewalimi Pue Ala, i potuduNami mai AnaNa i dunia mewali manusia. WataNa AnaNa Napahimbela hai wata manusia au madosa. Hai AnaNa iti mokira wataNa rapapate mohuru dosa manusia. Mewali, hangko i kapateNa, Pue Ala monangi kuasa dosa au ara i manusia.

Roma 9:5

Ihira iamohe pemuleanda toiorunda au napileimohe Pue Ala hangkoia. Hai Kerisitu au rapoanaka nodo manusia mesupa wori hangko i pemuleanda. KuasaNa melumbu hangko i hinangkana; Iami Pue Ala au hintoto tatoia hawe i hae-haena. Amin!

Galatia 4:4

Agaiana i tempo au Napakanotomi Pue Ala, Ia motudumi AnaNa mai i dunia, au napoanaka hadua anantowawine, hai Ia tuwo nodo to Yahudi au mengkoru i Aturana Musa.