Yohane 10:34 - Sura Malelaha

³⁴ Nauli Yesu, “I lalu Sura Aturami, teukimi lolitana Pue Ala i to Yahudi hangkoia au manguli node: ‘pue alakau.’

Yohane 10:34 Mawu Ofanana

Yohane 10:35

Apa au teuki i lalu Sura Malelaha iti, bara ara katebaliana. Mewali, ane Sura Malelaha manguli ‘pue alakau’ i tauna au motarima Ngkorana Pue Ala hangkoia, pelumbunami Iko.

Yohane 12:34

Rauli tauna bosa, “I lalu Aturana Pue Ala kibasa: Datu Topehompo tuwo hawe i hae-haena. Moapari hai Nuuli Ana Manusia hangangaa rapamapangka i kau mombehape? Hema Ana Manusia au Nutunggai iti?”

Yohane 15:25

Agaiana batena nodo bona tepabukei apa au teuki i lalu Sura Aturanda au manguli: ‘Nauri bara ara salaNgku, rakahihiNa.’

Yohane 8:17

I lalu Sura Aturami ara teuki node, ‘Ane ara rodua sabi au himbela lolitanda, posabinda iti hangangaa rapoinalai.’

1 Korintu 14:21

I lalu Sura Malelaha, teuki node: Pue mololita, Nauli, “Melempo i tauna au barahe habasa-basa hai to Yahudi ina mololitana i to Yahudi melempo i to handarena, ina Kupaturohe taunaNgku Agaiana kehapiri nodo, barahe ina mampoinalai lolitaNgku.”