Yohane 10:2 - Sura Malelaha

² Hema au mesua moliu i babaka, ia toporewu.

Yohane 10:2 Mawu Ofanana

Matiu 15:11

Paande au mesua i nganganta, bara iti au mopakedaike i peitana Pue Ala. Lolita au mesuwu hangko i humenta, iti au mopakedaike i peitana Pue Ala.”

Yohane 10:14

Ikomi toporewu au maroa. Nodo UmaNgku moisaNa hai Iko moisa UmaNgku, nodo wori Iko moisa dimbaKu, hai dimbaKu moisaNa. TuwoNgku Kukira bona dimbaKu tuwohe.

Yohane 10:7

Ido hai Nauli mbuli, “Tou mpuu lolitaNgku ide: Ikomi babaka au rapoliungi dimba mesua i lalu gimpu.

Yohane 10:9

Ikomi babaka. Hema au mesua moliu Iriko, ina molambihe katuwo maroa. Ihira peisa rapandiri nodo dimba au mesua i lalu gimpu hai mesuwuhe lao i raoa molambi hehi au marudu.

Suro 20:28

Maroa-roakau datikau madosa, hai nikadipura maroa ope-ope jumaa au napoinalaiakau Inao Malelaha. Hangangaa nikadipurahe, nodo hadua toporewu mamporewu dimbana, lawi Anana Pue Ala mate mobaiari huku dosanda bona mewalihe taunana Pue Ala.

1 Timotiu 4:14

Ineeko mokabaha bagomu au hangangaa nupopolumao moula kapande au naweiko Inao Malelaha. Kapande iti raweiko i temponda penatua moona taienda hangkoia i tanoanamu mopahawe lolita hangko i Pue Ala kana irio.

Titu 1:5

Titu, anangku, kupopaida liliuko i Kreta bona mourusiko pobagonta au bara mani roo. Mewali, nodo au roomoko kuhawaa, hangangaa nuangka tauna i ope-ope wanua au peisa motadulakoi to Sarani inditi.

Ibarani 13:20

Mekakaena i Pue Ala, pongka roa ngkatuwo au mopakaroho podandiNa au mopahintuwuke hai Ia hawe i hae-haena, melempo i wahena Amputa Yesu au rapapate hai au Napatuwo hule hangko i kapate, hai Naangka mewali Toporewu au meliu kamaroana irikita dimbaNa.

1 Peturu 2:25

Hangkoia nodokau dimba au puha. Agaiana ide-ide mesulemokau i hadua Toporewu au mokadipura tuwomi hai pepoinalaimi.

1 Peturu 5:4

bona ane hawe Toporewunta au meawa tuwoNa, ina Naweikau hambua songko datu au mengkila-ngkila liliu hawe i hae-haena.

Pampetudungia 1:20

Pitu oguna betue au nuita i taie koanaNgku hai biti hulo bulawa au pitu mbuana, ina Kupakanotoako lempona: betue au pitu oguna, lempona pitu tadulako au mokadipura pitu jumaa. Hai biti hulo bulawa au pitu mbuana, lempona pitu jumaa.”