Yohane 10:12 - Sura Malelaha

¹² Ane ara hadua tauna au rasaro pea, bara maroa pamporewuna dimbana, lawi ia bara ampu dimba. Ane moita mai serigala, ia melangka mopalehi dimba iti. Mewali dimba iti nawulaihe serigala, alanda mahawu.

Yohane 10:12 Mawu Ofanana

Matiu 10:16

“Maroa-roakau, lawi Kutudukau lao i tauna au kadake. Ikamu ina nodo dimba i olonda serigala. Hangangaa mapande-pandekau nodo ile, agaiana hangangaa nipamaalusu wori poantimi nodo tadasi manggebodo.

Matiu 7:15

“Mainga-ingakau i nabi au mepakanawohe. Ihira hawe i olomi nodohe dimba agaiana katouana nodohe serigala au maseke.

Yohane 10:13

Tauna au rasaro iti melangka, lawi ia mobago bona molambi pea sarona. Bara mampekiri dimba iti.

Yohane 10:2

Hema au mesua moliu i babaka, ia toporewu.

Yohane 10:3

Topokampai gimpu mobungkahia babaka, hai dimbana, raisa mampekatandai wotuna. Toporewu iti mokakio hanganda hambaa-hambaa hai naerihe lao i raoa.

Suro 20:29

Kuisa mpuu halalu, ane paduna hangko inde, batena ina hawehe tauna au kadake au mampopeahi-ahi tauna au niporewu iti, nodohe serigala mampopeahi-ahi dimba.

1 Timotiu 3:3

Bara peisa au malangu-langu ba au paka mobungka-bungka. Hangangaa au maalusu poantina, au mohintuwu hai rangana, hai au bara mohaoki pea doi.

1 Timotiu 3:8

Tauna au rapilei mewali diaken hangangaa nodo wori poantinda. Hangangaa manoto babehianda hai au hintotohe rabila. Barahe au mobatantimali ba au malangu-langu ba au mohaoki peahe doi.

2 Timotiu 4:10

Lawi ina barapi ara au mamporangaina inde. Napalehimona Demas, lawi laomi i Tesalonika mohaoki katuwona i dunia ide. Kreskes, lao i Galatia. Titu lao i Dalmatia.

Titu 1:7

Tauna au mewali penatua, ihirami au mokadipura bagona Pue Ala. Ido hai hangangaa nuangka tauna au bara ara au peisa rasalaia, au bara mampemahile ba au masodo, au bara malangu-langu ba topombetie ba au mohaoki pea doi.

1 Peturu 5:2

Kuperapi bona nikadipura maroa halalumi hampepepoinalai i Pue Ala au ara i olomi. Lawi ihira iti nodo dimba au napoinalaiakau Pue Ala niporewu. Niporewuhe hangko i kamaluluna lalumi moula peundeana Pue Ala; inee nipobago iti nodokau au rapari-paria. Nikadipurahe hangko i kabulana lalumi. Inee peakau mohahaoki rasi.

2 Peturu 2:3

Guru au mepakanawo iti mohaoki peahe doi, mewali ina rapahaweakau lolita au rababehi haduduanda bona molambihe rasi hangko irikamu. Agaiana ara pehuku au mahaemi napasilolongaahe Pue Ala, hai karahukunda iti ina holiga mewali.