Yohane 1:5 - Sura Malelaha

⁵ Iami pewangka au mewangka liliu i lalu dunia au makaindi ide, hai Ia bara peisa nanangi kamakaindi.

Yohane 1:5 Mawu Ofanana

Matiu 5:15

Hai bara ara hadua tauna au mohuwe hulo hai nabobongi. Hulo batena nawoli i paidaana bona pewangkana raita ope-ope tauna i lalu sou.

Yohane 1:10

Ia au napopatoa Pue Ala mampopewali dunia ide. Agaiana i tempoNa ara i dunia, Ia bara raisa kahemaNa.

Suro 26:18

Idemi tunggaiaKu motuduko lao irihira bona tebungkahi matanda, hai mopalehihe kamakaindi lao i kamabaana, hai tekabahahe hangko i kuasana Datu Tokadake hai mepoinalaihe i Pue Ala. Mewali, anti pepoinalainda Iriko, teampungimi dosanda, hai mewalimohe taunana Pue Ala.’ ”

Roma 1:28

Lawi i pekirinda barapohe paraluu moisa Pue Ala, ido hai Napogiangaami Pue Ala pekirinda mewali kadake, alana mobabehihe babehia au bara hintoto.

1 Korintu 2:14

Tauna au bara moisa Pue Ala, barahe mampoinalai paturo au hangko i Inaona Pue Ala, lawi rauli, “Paturo iti, lolita tontuli.” Bara rabuku tauna iti modoko paturo au hangko i Inaona Pue Ala, lawi paturo iti hangangaa napakanoto Inao Malelaha i lalunta.