Yohane 1:45 - Sura Malelaha

⁴⁵ Hangko inditi, lao worimi Pilipu mampombelambia rangana au rahanga Natanael, nauliangaa, “Kilambimi Datu Topehompo, nodo au teuki i lalu Sura Aturana Musa hai suranda nabi hangkoia! Hangana Yesu. Ia anana Yusupu hangko i boea Nasare.”

Yohane 1:45 Mawu Ofanana

Matiu 13:55

Bara pae Ia ana basi pea? Bara pae Maria inaNa? Bara pae HalaluNahe, Yakobu, Yusupu, Simo hai Yudasi?

Matiu 2:23

hai maidahe i boea au rahanga Nasare. Mewali tepabukeimi lolitanda nabi hangkoia kana i Datu Topehompo au manguli node: Ia ina rauli to Nasare.

Matiu 21:11

Rahanai tauna au hihimbela hai Ia, “Idemi Yesu, hadua nabi hangko i Nasare i tampo Galilea.”

Markus 14:67

Kamoitana Peturu mamindu, napelengge maroa, hai liliu nauliangaa, “Bara pae oio wori hadua rangana Yesu to Nasare olou?”

Markus 6:3

Ia ide basi pea, anana Maria. HalaluNa iamohe: Yakobu, Yoses, Yuda hai Simo. HalaluNa towawine, ara worihe hihimbela hai ikita inde.” Ido hai barahe mepoinalai i Yesu.

Lukasi 18:37

Rahanai tauna bosa, “Yesu to Nasare melempo!”

Lukasi 2:4

Nodo wori Yusupu meangkami hangko i boea Nasare hihimbela hai Maria hampomanuna au tangana mantimi. Meangkahe hangko i tampo Galilea, mempanai lao i tampo Yudea monontohi boea Beteleme, boea karapoanakaana Datu Daudi hangkoia. Inditi, Yusupu mampopeuki hangana, lawi ia pemuleana Daudi.

Lukasi 2:48

Tingkarahe inaNa hai umaNa moita Ia. Nauli inaNa, “Anangku, moapari hai Nubabehi node? Iko hai umaMu, mapari kihadi mohaokiKo!”

Lukasi 24:27

Hangko indo, Yesu mopakanotoahe ope-ope au teuki i lalu Sura Malelaha kana i wataNa, mepongka hangko i Sura Aturana Musa duuna i ope-ope suranda nabi au ntanina.

Lukasi 24:44

Roo indo, mololitami Yesu irihira, Nauli, “Ope-ope au teuki i lalu Sura Aturana Musa, suranda nabi hai i sura Petoia kana i wataNgku hangangaa tepabukei. Ide lolitaNgku au Kupahaweamokau i tempoKu mani hihimbela hai ikamu.”

Lukasi 3:23

Handami talu pulona parena tinuwuNa, Yesu mampepongkami pobagoNa au nawei Pue Ala. Moula pelambianda tauna, Yesu iami anana Yusupu, Yusupu anana Eli, Eli anana Matat, Matat anana Lewi, Lewi anana Malki, Malki anana Yanai, Yanai anana Yusupu, Yusupu anana Matica, Matica anana Amos, Amos anana Nahum, Nahum anana Hesli, Hesli anana Nagai, Nagai anana Maat, Maat anana Matica, Matica anana Simei, Simei anana Yosek, Yosek anana Yoda, Yoda anana Yohanan, Yohanan anana Resa, Resa anana Serubabel, Serubabel anana Sealtiel, Sealtiel anana Neri, Neri anana Malki, Malki anana Adi, Adi anana Kosam, Kosam anana Elmadam, Elmadam anana Er, Er anana Yesua, Yesua anana Elieser, Elieser anana Yorim, Yorim anana Matat, Matat anana Lewi, Lewi anana Simeo, Simeo anana Yehuda, Yehuda anana Yusupu, Yusupu anana Yonam, Yonam anana Elyakim, Elyakim anana Melea, Melea anana Mina, Mina anana Matata, Matata anana Natan, Natan anana Daudi, Daudi anana Isai, Isai anana Obed, Obed anana Boas, Boas anana Salmon, Salmon anana Nahason, Nahason anana Aminadab, Aminadab anana Admin, Admin anana Arni, Arni anana Hesron, Hesron anana Peres, Peres anana Yehuda, Yehuda anana Yako, Yako anana Isaki, Isaki anana Burahima, Burahima anana Tera, Tera anana Nahor, Nahor anana Serug, Serug anana Rehu, Rehu anana Peleg, Peleg anana Eber, Eber anana Salmon, Salmon anana Kenan, Kenan anana Arpaksad, Arpaksad anana Sem, Sem anana Noho, Noho anana Lamek, Lamek anana Metusala, Metusala anana Heno, Heno anana Yared, Yared anana Mahalaleel, Mahalaleel anana Kenan, Kenan anana Enos, Enos anana Set, Set anana Adama, Adama anana Pue Ala.

Lukasi 4:22

Tingkaramohe ope-ope tauna au mampehadingi lolitaNa, rauli, “Maroa mpuu pololitaNa! Manoto ntepuu au Nahowara, nauri ananato pea Yusupu!”

Yohane 1:44

Pilipu iti, hangko i boea Betsaida, boeanda Andaria hai Peturu.

Yohane 12:21

To Yunani iti laohe i Pilipu, rauli, “Mampeinao wongkamia mampohidupaa Yesu.” (Pilipu iti hangko i boea Betsaida i tampo Galilea.)

Yohane 14:8

Nauli Pilipu, “Pue, Nutudungiangkai UmaMu. Iti pea au kiperapi.”

Yohane 18:5

Rauli, “Yesu to Nasare.” Nauli Yesu, “Ikomi.” (Yudasi, au mampobalu Yesu, meangka inditi hihimbela hai ihira.)

Yohane 18:7

Napekune mbuli Yesu, “Hema nihaoki?” Rauli, “Yesu to Nasare.”

Yohane 19:19

Pilatu motudu surodadona mopataka pata i kau popakuana Yesu au rapoukii: YESU TO NASARE, DATUNDA TO YAHUDI.

Yohane 21:2

Hambela tempo bahangkiahe topeguruna Yesu mogulu i wiwi rano, iami Simo Peturu, Tomas au rauli Toporopa, Natanael hangko i boea Kana i tampo Galilea, rodua anana Sebedeus, hai rodua topeguruna Yesu au ntanina.

Yohane 6:42

Mololitamohe, hadua hai hadua, rauli, “Bara pae Yesu iti, anana pea Yusupu? InaNa hai umaNa taisahe. Moapari hai Nauli kahangko i surugaNa mai?”

Yohane 6:5

Natotoki Yesu mantoleli, mokoloromohe tauna bosa mai Iria. Mewali mololitami i Pilipu, Nauli, “Iumbake moholo paande, tapaandeahe tauna au node kabosanda?”

Yohane 6:7

Nahanai Pilipu, nauli, “Kehapiri rongatu doi pera tapopeholo paande hai taweihe tauna au hanode kabosanda, bara ina handa nauri haodi-haodi peahe rawei.”

Suro 10:38

Niisa wori noumba tuntukana Yesu to Nasare au napileimi Pue Ala hai Nawei Inao Malelaha hai kuasa. Iumba pea polumaoaNa, Ia mobabehi apa au maroa lawi naporangai Pue Ala, hai Ia mopakaoha ope-ope tauna au napopeahi-ahi Datu Tokadake.

Suro 2:22

Hai napaliliu mbuli Peturu lolitana, nauli, “Halalungku to Yahudi! Nipehadingi apa au kuuliangaakau ide. Au kutunggai iami Yesu to Nasare. Ia pea au napilei hai napakanoto Pue Ala mewali TopobagoNa au Malelaha. Iti niisa lawi anti kuasana Pue Ala, Pue Yesu mobabehi ngkaia tanda kuasa hai tanda au metingkarai i olomi.

Suro 22:8

Kupekune: ‘HemaKo?’ Nahanaina, nauli, ‘Ikomi Yesu to Nasare au nupopeahi-ahi.’

Suro 26:9

Hangkoia moewa worina kuasana Yesu to Nasare.

Suro 3:6

Agaiana nauli Peturu, “Bara ara doi irikami. Agaiana apa au ara irikami, iti au kiweiko: i lalu hangana Yesu Kerisitu to Nasare, peangka hai lumaomoko!”