Yohane 1:21 - Sura Malelaha

²¹ Mekune mbulihe, “Ane nodo, hemariko? Ba nabi Eliako?” Nauli Yohane, “Bara.” Mekune mbulihe, rauli, “Ba oiomi nabi mahile au radandi hangkoia au rauli ina mai i dunia?” Nauli Yohane, “Bara wori iko.”

Yohane 1:21 Mawu Ofanana

Matiu 11:14

Mewali, ane maukau mampoinalai, Yohanemi au natunggai hadua nabi hangkoia au mopahawe kaina hawena hule nabi Elia.

Matiu 16:14

Rahanai topeguruNa, rauli, “Arahe au manguli kaOiona Yohane Toperiu au tuwo hule. Ara worihe au manguli Oio hadua nabi au tuwo hule, nodo nabi Elia, nabi Yeremia, ba nabi au ntanina.”

Matiu 21:11

Rahanai tauna au hihimbela hai Ia, “Idemi Yesu, hadua nabi hangko i Nasare i tampo Galilea.”

Lukasi 1:17

Anamu iti, ina mewali suro au hawe ioru hangko i Pue. Kamarohona hai kuasana nodo nabi Elia hangkoia. Anti kuasana hai pepaturona, ia ina mopahintuwu anangkoi hai umanda. Hai tauna au barahe meula i Pue ina nanini hule i rara au manoto. Ope-ope au nababehi iti, ina mopasilolonga lalunda tauna bosa bona motarimahe Pue.”

Yohane 1:22

Roo nodo, rauliangaa, “Ane nodo, nuuliangaangkai ba hema mpuuko bona ara hanaina pekunenda tauna au motudungkai. Apa pehanamu kana i watamu haduduamu?”

Yohane 6:14

Karaitana tauna bosa tanda kuasa iti, mololitamohe hadua hai hadua, rauli, “Ia mpuumi nabi au radandi hangkoia, au rauli ina mai i dunia!”

Yohane 7:40

Tauna bosa au mohadi lolitana Yesu, arahe hanggaa au manguli, “Ia mpuumi Nabi au nadandi Pue Ala hangkoia.”