Yohane 1:12 - Sura Malelaha

¹² Agaiana hema-hema au modoko hai mepoinalai Iria, ihirami au Napopewalihe anana Pue Ala.

Yohane 1:12 Mawu Ofanana

Matiu 10:40

Hema au modokokau, himbelami Iko au nadoko. Hema au modokoNa, himbelami Pue Ala au nadoko, lawi Ia au motuduNa.

Matiu 12:21

Ope-ope tauna ina meharunga Iria.”

Matiu 18:5

Hema au modoko hadua anangkoi nodo anangkoi ide anti peulana Iriko, lempona Ikomi au nadoko.

Yohane 1:11

Mogalori i tampoNa haduduaNa, Ia bara radoko.

Yohane 1:7

Kamaina Yohane, ia mopahawe kana i pewangka iti i ope-ope tauna bona mohadihe posabina hai mepoinalai i pewangka iti.

Yohane 11:52

Hai bara pea to Yahudi. Anti kapatena Yesu iti, ope-ope anana Pue Ala au mahawu-hawu i humalele dunia ina ragulu hai rapahintuwuhe.

Yohane 2:23

Tangana Yesu i Yerusale moula Alo Posusa Pasa, bosa tauna mepoinalai Iria, lawi moitahe tanda-tanda kuasa au Nababehi.

Yohane 20:31

Agaiana apa au kuuki ide, kuuki bona nipoinalai kaYesunami Datu Topehompo, Anana Pue Ala, hai bona molambikau katuwo maroa au bara mokahopoa hangko i pepoinalaimi Iria.

Yohane 3:18

Tauna au mepoinalai i Anana Pue Ala, barahe ina rahuku. Agaiana tauna au bara mepoinalai, manotomi kanahukunda Pue Ala, lawi barahe mepoinalai i Anana Pue Ala au Haduduana.

Suro 3:16

Kuasa hangko i Yesu, iti au mopakaroho biti topalu ide. Mewali, anti pepoinalaingki i Yesu pane kibuku mopakaoha tauna ide nodo au niita hai nisabiki.

Roma 8:14

Hema-hema au nanini Inaona Pue Ala, ihirami anana Pue Ala.

Roma 8:16

Anti pokalena Inao Malelaha i lalunta, taisami kaikitana anana Pue Ala.

Roma 8:19

I tempo ide, hinangkana ihi dunia au napopewali Pue Ala tanganda mampegia tempona Pue Ala mopatongawa peawana tuwonda anaNahe.

Galatia 3:26

Mewali, Napoanamoke Pue Ala ope-ope anti pepoinalainta i Kerisitu Yesu.

Galatia 4:6

Mewali, anti kanapoananta Pue Ala, Ia motudumi Inaona AnaNa maida i lalunta. Anti pobagona Inao Malelaha iti i lalunta, ido hai peisake mokakio Pue Ala, “Uma!”

Kolose 2:6

Ido hai, halalu, anti kanidokonami Kerisitu Yesu mewali Ampumi, babehiami alo-alona hangangaa moula peundeaNa, lawi mohintuwumokau hai Ia.

2 Peturu 1:4

Hangko i peawana tuwoNa hai kamaroana laluNa, Naweimoke dandiNa au maroa ntepuu. TunggaiaNa moweike dandiNa iti bona moulakau poantina Pue Ala hai bona datikau moula peundeana lalumi au kadake au peisa mopakarugikau, nodo au mopakarugihe tauna au bara moisa Pue Ala.

1 Yohane 3:1

Anti kamahilena ahina Pue Ala Umanta irikita, ido hai Naimbamoke anaNa, hai ikita tou-tou anaNa mpuuke Pue Ala. Agaiana tauna au bara mepoinalai i Yesu, bara raisa kaikitana anana Pue Ala, lawi bara worihe moisa Pue Ala.

1 Yohane 3:10

Idemi au mopatongawa kahemana au napoana Pue Ala hai kahemana au napoana Datu Tokadake: ope-ope tauna au bara mobabehi apa au manoto, barahe napoana Pue Ala. Nodo wori, ope-ope tauna au bara mampokaahi halalunda, barahe napoana Pue Ala.

1 Yohane 3:2

Halalu au kupokaahi! Ide-ide, ananamoke Pue Ala. Agaiana bara mani taisa noumba kamaroana katuwonta i alo au ina mai, lawi bara manike rapatongawaa. Nauri nodo au taisa iami: ane hawe hule Kerisitu, ina mewalike himbela hai Ia, lawi ina taita mpuu noumba lenggeNa au katou-touana.

1 Yohane 3:23

Idemi hawaNa irikita: hangangaa mepoinalaike i Yesu Kerisitu AnaNa, hai hangangaa mombepokaahike hadua hai hadua nodo au naparentaiamoke Pue Yesu.