Yakobu 5:8 - Sura Malelaha

⁸ Nodo wori ikamu, hangangaa sabarakau. Hangangaa nipatetida lalumi, lawi barapi mahae ina hawe mpuu Amputa.

Yakobu 5:8 Mawu Ofanana

Lukasi 21:19

Nipakaroho pepoinalaimi bona mantahakau i lalu ope-ope kapari ide, lawi hema au mantaha ina molambi katuwo maroa au bara mokahopoa.”

Yohane 21:22

Nauli Yesu, “Ane Kuunde bona ia tuwo liliu duuNgku hawe i karombelana, bara paraluu nuisa! Agaiana oio meula peamoko Iriko.”

Roma 8:25

Mewali, ane taharunga kaina molambita anu-anu au bara mani tahumba, hangangaa mantahake mampegia.

Galatia 5:22

Agaiana ane naninike Inao Malelaha, ina tongawa wuana i lalu katuwonta, i lalu poantita: mombepokaahike, matana-tanake, tinda lalunta, sabarake, maalusu pololitanta, maroa babehianta; mopabukeike dandita,

Pilipi 4:5

Kuharunga ope-ope tauna ina moita kamaroana lalumi. Nikatuinao, barapi mahae Pue ina hawemi.

1 Tesalonika 1:10

Tauna iti mampololita worihe noumba pampegiami kahawena Anana Pue Ala hangko i suruga, iami Yesu au napatuwo hule Pue Ala hangko i kapate. Yesu itimi au mohoremake hangko i karumpuna Pue Ala au ina morumpa tauna au barahe mepoinalai Iria.

1 Tesalonika 2:19

Kipeinao mpuu mosondakikau, lawi ane hawemi Amputa Pue Yesu hai moguluke i lindoNa, ikamumi au mewali wua pobagongki au kipokatana. I tempo iti ina mahile ntepuu kamatanana lalungki anti kaikamuna.

1 Tesalonika 3:13

Pue, kiperapi bona Nupakaroho lalunda bona malelahahe hai bara ara kamasalanda i lindoMu ane hawe hule Pue Yesu hai ope-ope taunaNa au malelaha. Amin.”

2 Tesalonika 3:5

Kipekakaeakau bona naninikau Pue Yesu duuna niisa ntepuu ahina Pue Ala irikamu, hai bona mantahakau i lalu kapari, nodo kamantahana Kerisitu.

Yakobu 5:3

Bulawami hai salakami, tagarami. Tagara iti mopakanoto kamasalami i lalu pampopobundumi kapebukumi. Ido hai ina rahukukau nodo tauna au naande api. Morampukau anu-anu i dunia, agaiana barapi mahae ina hawemi kahopoa dunia ide!

Yakobu 5:9

Halalu, ineekau mohume-hume hai mombesasalai datikau narumpa pehuku. Lawi ara hadua topebotusi au hungkumi, hai barapi mahae ina hawemi!

1 Peturu 4:7

Halalu, kahopoa dunia ide hungkumi hai ope-ope ihina ina matanta. Ido hai hangangaa mainga-ingakau hai nipamanoto pekirimi bona peisakau mekakae.

Pampetudungia 22:20

Yesu mosabi kana i ope-ope lolita ide, manguli, “Tou mpuu. Barapi mahae ina hawemoNa.” Amin! MaimoKo, O Pue Yesu!