Yakobu 5:5 - Sura Malelaha

⁵ Mampopeawamokau tuwomi hai matana-tana pearaikau i dunia ide; nodokau binata au mopakarudu watanda sadudua duuna hawe temponda rasambale!

Yakobu 5:5 Mawu Ofanana

Lukasi 16:19

Hangko indo, nauli Yesu, “Ara hadua topebuku. Pehampina nodo pehampi-hampi datu, ope-ope hampina masuli holona. Katuwona alo-alona, mosusa liliu.

Lukasi 16:25

Nahanai Burahima: ‘Anangku, nukatuinao tuwomu i dunia: i tempo iti, molambimoko ope-ope au maroa, agaiana Lasaru molambi pea kapari. Ide-ide, tepalindomi Lasaru inde, agaiana oio hangangaa molambi kapari.

Roma 13:13

Nibabehi babehia au hintoto i kabaakana. Ineekau mosusa-susa hai malangu-langu. I babehia tobalilo hai towawine, ineekau mobabehi babehia au sala ba au moula peundeana lalunta au kadake. Ineekau mobungka-bungka ba mahina.

1 Timotiu 5:6

Agaiana tobemba au mohaoki peahe katana-tana, nuimbamohe mate nauri tuwo manihe, lempona matehe i lalu pepoinalainda.

2 Timotiu 3:4

Mopakanawohe hangka ranganda, bara kaladu pampekirinda, hai mengkaiwongkohe. Barahe mampeulai peundeana Pue Ala, agaiana mampeulai peahe peundeana lalunda.

2 Peturu 2:13

Ina narumpahe pehuku hintoto hai babehianda. Babehianda tauna iti mepakaea mpuu. Mogalori mabaa, raunde mobabehi dake moula peundeana lalunda haduduanda. Ane maandehe hihimbela hai ikamu i posusami, mehiorohe moula peundeana lalunda. Ido hai rakakabosai worikau tauna ntanina.

Yudasi 1:12

I pogulu-guluami, guru au mepakanawo iti maandehe hihimbela hai ikamu nodo rangami, agaiana mepakaea mpuu babehianda. Ane moguluhe hihimbela hai ikamu, mehioro mpuuhe hai mampekiri peahe watanda. Ihira nodo gawu au nawui himburu agaiana bara mopaara uda. Ihira nodo kau au bara maroa: ane hawe tempo powua, bara ara wuana. Ido hai rawuka peami alana bangi.

Pampetudungia 18:7

Hangangaa rapopeahi-ahihe hai rapamaparihe, lawi mampemahilehe, rauli: ‘Iko datu towawine. Barana tobemba. Barana ina molambi kapari.’