Yakobu 5:19 - Sura Malelaha

¹⁹ Halalu-halalu! Ane ara i olomi hadua au morara ntani hangko i paturo au tou, hai ara wori hadua au monini mesule i Pue,

Yakobu 5:19 Mawu Ofanana

Matiu 18:15

“Ane ara halalumu hampepepoinalai au masala irio, lao nupombelambia, hai nuuliangaa salana. Hangangaa nubabehi iti bona dati ara au moisa, batena pea ikamu rodua. Ane napoinalai lolitamu, maroa hule pohintuwumi.

Lukasi 22:32

Agaiana Kupekakaengaako Simo bona dati maguli pepoinalaimu. Mewali, ane menosoko hai mesuleko Iriko, hangangaa nupakaroho lalunda halalumu.”

Galatia 6:1

Halalu, ane moitakau rangami hampepepoinalai mobabehi sala, ikamu au mampeulaikau peundeana Inao Malelaha, hangangaa ninini wohiraia mesule i rara au manoto i lalu kamaalusu. Hai mokampai worikau watami datikau hawe mobabehi dosa.

1 Timotiu 6:10

Lawi ane mampokaelu peamoke doi, itimi au mopaara ngkaia pakana babehia kadake. Arahe tauna au nodo, au mohaoki liliu peahe doi, alana mopalehihe pepoinalainda, hai narumpahe mampopengaa kapari.

1 Timotiu 6:21

Katouana tauna au mampeulai paturo iti, mopalehimohe pepoinalainda. Pue mowatikau ope-ope. Hangko iriko PAULU

2 Timotiu 2:18

Mopahala batakamohe paturo au tou, rauli pearonda tomate liumi. Paturonda au sala iti mopawulimohe bahangkia tauna alana pepoinalainda barapi mobundu.

Ibarani 5:2

Tadulako menomba mahile, manusia biasa, hai batena ngkaia wori kamaledena. Ido hai naisa mopamaalusu babehiana mokadipura tauna au bara mani manoto lalunda hai bara manihe moula rara au tou.

Yakobu 1:16

Halalungku au kupokaahi! Ineekau rapakanawo!

Yakobu 1:19

Halalungku au kupokaahi! Nipailalu maroa lolita ide: ikita ope-ope hangangaa manaki talinganta mampehadingi lolitana tauna, hai ineeke sosa mololita hai ineeke hoholiga rumpu.

Yakobu 3:14

Agaiana ane ara lalumi mahina i rangami hai nipeinao mopaioru watami haduduami, ineekau mampemahile hai inee nipehangu ikamumi tauna au manoto lalumi. Lawi babehia iti mosisala hai paturo au tou.

Yakobu 5:20

nikatuinao lolita ide: hema au moanti hadua tauna au madosa menoso hangko i babehiana au masala, ia mohorema rangana iti hangko i kapate, hai dosana rangana au ngkaia iti, teampungi. Hangko iriko YAKOBU

2 Peturu 3:17

Agaiana ikamu, halalu au kupokaahi, niisato ope-ope iti. Mewali, mainga-ingakau i guru agama au mepakanawohe, datikau raanti i lalu kamasalanda alana bata-bata lalumi kana i apa au nipoinalaimi.

Yudasi 1:11

Hurewumohe! Moula peahe rarana Kai hangkoia. Mampeulaihe babehiana Bileam, lawi nauri raisa babehianda masalami, batena iti au rababehi liliu, lawi mohaoki peahe doi. Nodo Kora hangkoia, ihira moewahe Pue Ala, hai batena Pue Ala ina mohuku mate worihe nodo Kora.