Yakobu 5:16 - Sura Malelaha

¹⁶ Ido hai hangangaa mangaku salakau i hangka rangami, hai mombepekakaeakau bona maohakau. Tauna au manoto babehianda pemoso mpuu pekakaenda.

Yakobu 5:16 Mawu Ofanana

Matiu 21:22

Apa pea au niperapi i lalu pekakaemi, ane nipoinalai, batena ina nilambi.”

Matiu 3:6

Maihe mopangaku dosanda, hai nariuhe i owai Yarade.

Markus 1:5

Bosa tauna au hawe mampeinao mampehadingi lolitana. Arahe au hangko i wanua Yerusale hai hangko i humalele tampo Yudea, maihe mopangaku dosanda hai nariuhe i owai Yarade.

Lukasi 9:6

Karoonda napaturo Yesu, meangkamohe lao i boea-boeana mobambari Ngkora Marasa hai mopakaohahe tauna au mahai iumba pea.

Yohane 9:31

Taisa Pue Ala bara mohanai perapinda tauna au madosa, agaiana Ia mampehadingi pamperapina tauna au mengkoru Iria hai au mampeulai hawaNa.

Suro 10:38

Niisa wori noumba tuntukana Yesu to Nasare au napileimi Pue Ala hai Nawei Inao Malelaha hai kuasa. Iumba pea polumaoaNa, Ia mobabehi apa au maroa lawi naporangai Pue Ala, hai Ia mopakaoha ope-ope tauna au napopeahi-ahi Datu Tokadake.

Suro 19:18

Tempo iti, bosa tauna au mepoinalaimohe mangaku i lindonda tauna bosa, kamobabehinda worimi babehia au nodo.

Suro 8:24

Nauli Simo i Peturu hai Yohane, “Nipekakaea wongkoia i Pue bona datina narumpa rugi au nuuli iti!”

Roma 3:10

Lawi ara teuki i lalu Sura Malelaha node: “Barapi huba hadua tauna au manoto.

Roma 5:19

Anti kadana mengkoru Adama i Pue Ala, alana ope-ope tauna madosa hahami. Nodo wori, anti pengkoruna Yesu i Pue Ala duuna mate i kau mombehape, ope-ope tauna peisami mewali manoto i peitana Pue Ala.

Kolose 1:9

Mewali, halalu, i kakihadina bambari kana i pepoinalaimi, kipekakaea liliukau. Mekakaengkai i Pue Ala, kiperapi bona hai Inao Malelaha Napamanoto lalumi hai Napopaisaakau ope-ope peundeaNa,

1 Tesalonika 5:23

Mekakaengkai i Pue Ala au moweike roa ngkatuwo, kiuli, “O, Pue Ala! Kiperapi bona babehianda to Tesalonika Nupamanoto liliu, duuna malelaha ntepuu katuwonda. Nuporangaihe i lalu katuwonda, maroa lalunda ba pekirinda ba watanda bona dati ara kamasalanda i kahaweNa hule Amputa Yesu Kerisitu.” Nodomi pekakaengki.

1 Tesalonika 5:25

Halalu, kiperapi bona nipekakaea woringkai.

Ibarani 11:4

Anti pepoinalaina Habeli, ia mohuhu popenombana i Pue Ala au meliu kamaroana hangko i popenombana Kai, wutuna. Taisami kaarana pepoinalaina, lawi matana laluna Pue Ala modoko popenombana. Hai anti pepoinalaina, Habeli naimba Pue Ala tauna au manoto. Nauri matemi, agaiana ia mololita mani irikita, lawi anti pepoinalaina ia mewali pandiri irikita au tuwo ide-ide.

Ibarani 11:7

Anti pepoinalaina, Noho mengkoru i hawana Pue Ala. Pue Ala mouliangaa kaina arana owai meumbala au molaboa dunia. Mewali, kehapiri bara mani naita pewalina, hawana Pue Ala napeulaimi hai nababehimi duanga mahile bona ia hai towawinena hai anana bara mate maliso. Ope-ope tauna i dunia rahuku, agaiana Noho anti pepoinalaina, ia Naimba Pue Ala manoto i peitaNa.

Ibarani 12:13

Hangangaa nipakaroho peulami i Pue bona ane ara mani i olomi au bata-bata lalunda, barahe ina manawo, agaiana kamaroho-rohoari pepoinalainda.

Ibarani 13:18

Kiperapi bona nipekakaea liliungkai. Kiisa kabulana lalungki, lawi i paka-pakana kipeinao mobabehi liliu au manoto.

1 Peturu 2:24

Yesu haduduana mohalea huku dosanta i karapapateNa i kau mombehape bona tekabahake hangko i kuasa dosa hai tuwoke moula peundeana Pue Ala. KapateNa iti moanti katuwo maroa irikita.

1 Yohane 3:22

hai apa au taperapi Iria batena Naweike, lawi mampeulaike hawaNa hai mobabehike apa au mopamatana laluNa.