Yakobu 5:11 - Sura Malelaha

¹¹ Tauna au mantaha i lalu kapari, ihirami au rauli morasi. Niisami tuntukana Ayubi au mantaha i lalu kapari. Hai kahopoana, ia nawati Pue Ala. Lawi Pue Ala maroa laluna hai maahi ntepuu.

Yakobu 5:11 Mawu Ofanana

Matiu 10:22

Ina rakahihikau ope-ope tauna anti peulami Iriko. Agaiana tauna au meula liliu Iriko duuna i kahopoana ina tehoremahe.

Lukasi 1:50

Napopaitami ahiNa i ope-ope tauna au mengkoru Iria, duuna hawe i pemuleanda.

Lukasi 11:10

Lawi hema au merapi ina rawei. Hema au masaoki ina molambi. Hema au motidongko baba, ina rabungkahia.

Lukasi 6:36

Kamaahimi hangangaa nodo kamaahina Umami i suruga.”

Roma 2:4

Tou, laluna Pue Ala maroa, sabara hai mahile ahiNa. Agaiana inee nauli lalumi, “Barake paraluu mobaliki babehianta au kadake.” Nikatuinao, halalu tunggaiana kamaroana laluna Pue Ala bona tepakakau mampenosoi dosami.

Epesu 1:6

Ido hai tatoiami Pue Ala, lawi mahile mpuu ahiNa irikita. Hangko i kabulana laluNa, Nawei mberomoke ahiNa anti pohintuwuta hai Yesu, AnaNa au Napokaahi.

Epesu 2:4

Agaiana Pue Ala au buke kamaahi. Anti kamaroana laluna au Nakiraiaamoke.

Ibarani 10:39

Agaiana ikita ide, halalu, barake tauna au mousuli hangko i pepoinalainta, hai au ina rahuku. Ikita ide, tauna au mepoinalai hai au molambi katuwo maroa.

Ibarani 3:14

Lawi ikita ide mohintuwu hai Kerisitu, asala apa au tapoinalai hangko i nguru-nguruna takingki liliu hangko i lalunta au bara bata-bata duuna i kahopoana.

Ibarani 3:6

Agaiana Kerisitu, bara pea topobago. Ia Anana Pue Ala au matundu mampopolumao bagoNa nodo hadua tadulako au mokadipura ope-ope ihi souna Pue Ala. Ihi souna Pue Ala iti, ikita idemi, asala maroho liliu pepoinalainta hai meharunga liliuke i Pue Yesu duuna i kahopoana.

Yakobu 1:12

Morasihe tauna au mantaha i lalu kapari hai pampetandaka. Lawi ane pepoinalainda mantaha i pampetandaka iti, ina molambihe katuwo au bara mokahopoa au nadandimi Pue Ala i tauna au maahi Iria.

Yakobu 1:2

Halalungku ope-ope! Ane narumpake mampopengaa kapari hai pekelo, inee masusa lalunta. Aginari tapokatana.

1 Peturu 1:13

Mewali, halalu, anti kamarohona peharungami, ido hai kuuliangaakau: nipakanoto pekirimi, nirempeki peundeana lalumi au kadake, hai nipakaroho peharungami i kabulana laluNa au ina raweikau ane hawe hulemi Yesu Kerisitu.

1 Peturu 3:14

Agaiana ane rapana molambikau kapari hangko i babehiami au manoto, morasikau! Mewali, ane arahe tauna au mampopalangakau, ineehe nipokalanga hai inee karao inaomi.

2 Peturu 2:9

Mewali, hangko i ope-ope pandiri au kupahawe inona, tongawami kuasana Pue Ala motulungi tauna au menomba Iria datihe napakanawo pekelo. Hai tongawa wori kuasaNa mohuku ope-ope tauna duuna hawe alo pebotusi.