Yakobu 4:6 - Sura Malelaha

⁶ Agaiana melumbu petulungina Pue Ala au Naweike hangko i kabulana laluNa pane kamahinana lalunta. Ido hai ara au teuki i lalu Sura Malelaha node: “Pue Ala moewahe tauna au mampemahile, agaiana tauna au mengkaiwoi, Natulungi anti kabulana laluNa.”

Yakobu 4:6 Mawu Ofanana

Matiu 13:12

Tauna au mampoinalai Ngkorana Pue Ala, rapakanoto lalunda bona katetetambaia au ara irihira. Agaiana tauna au barahe mampoinalai Ngkorana Pue Ala, nauri arami haodi au raisa, hangangaa raala hule.

Matiu 23:12

Tauna au mampeindora batena rapaiwoi, hai tauna au mengkaiwoi batena rapaiwongko.

Lukasi 1:52

Datu Napopendauluhe hangko i lantinda, Agaiana tauna au mengkaiwoi, Napaiwongkohe.

Lukasi 14:11

Hema au mampeindora ina rapaiwoi, hai hema au mengkaiwoi ina rapaiwongko.”

Lukasi 18:14

Hangko indo, napahopo Yesu lolitaNa, Nauli, “Tou mpuu au Kuuliangaakau: i pesulenda i sounda, toperuru asele itimi nadoko Pue Ala hai Naimba manoto i peitaNa, agaiana toParisi iti, bara nadoko Pue Ala. Lawi hema au mampeindora, ina napaiwoi Pue Ala. Hai hema au mengkaiwoi, ina napaiwongko Pue Ala.”

Yakobu 4:10

hai mengkaiwoikau i lindona Pue. Ane nodo, ina Napomahilekau.

1 Peturu 5:5

Nodo wori ikamu au mangura mani, hangangaa mengkorukau i tosae. Ope-opekau hangangaa mengkaiwoi hai mombetulungi. Lawi: “Pue Ala moewahe tauna au mampemahile, agaiana tauna au mengkaiwoi Natulungihe.”